“Ang Katawhan ni Alma Nag-ampo diha sa Ilang mga Kasingkasing,” Higala, Mayo 2024, 26–27.
Mga Istorya sa Kasulatan
Ang Katawhan ni Alma Nag-ampo diha sa Ilang mga Kasingkasing
Mga paghulagway pinaagi ni Andrew Bosley
Si Alma usa ka propeta nga nagtudlo sa katawhan. Kadtong kinsa mituo gibunyagan. Sila mihimo og usa ka pakigsaad nga mosunod sa Dios.
Usa ka daotan nga tawo nga ginganlan og Amulon nahimong tigdumala sa katawhan ni Alma. Siya dili kaayo mabination kanila. Sila gipapas-an niya og bug-at nga mga palas-onon.
Si Alma ug ang iyang katawhan nag-ampo alang sa tabang. Apan si Amulon naghimo og balaod nga si bisan kinsa nga mag-ampo kay patyon.
Ang katawhan mihunong sa pag-ampo og kusog. Apan nagpadayon sila sa pag-ampo diha sa ilang mga kasingkasing ug mga hunahuna. Ang Dios mitubag sa ilang mga pag-ampo!
Ang Dios nakahibalo nga sila mihimo og pakigsaad uban Kaniya. Siya misaad nga himoon silang lig-on. Siya mihupay kanila ug mihimong gaan sa ilang mga palas-onon. Sa wala madugay, ang Dios mitabang gani nila nga makaikyas ni Amulon ug mopanaw padulong sa kahilwasan.