Unsay Anaa sa Inyong Hunahuna?

Unsaon nako pagkahibalo kon kini ba ang Espiritu Santo o ako?

—Pag-aghat sa Paris

Minahal nga Gi-aghat,

Ang Espiritu Santo mahimong maggiya kanimo labaw pa sa imong gihunahuna. Kon nabunyagan ug nakompirmahan na ka ug naghimo sa imong labing maayo sa pagtuman sa mga sugo, ikaw “sa kanunay makabaton sa iyang Espiritu uban [kaninyo]” (Doktrina ug mga Pakigsaad 20:77). Apan unsaon nimo pagsulti?

Ang Espiritu Santo mogiya kanato “sa pagbuhat og maayo” (Doktrina ug mga Pakigsaad 11:12) ug motabang kanato nga “masayod sa kamatuoran sa tanan nga mga butang” (Moroni 10:5). Kon ikaw adunay hunahuna sa pagbuhat og maayo nga butang o usa ka pagbati sa gugma alang sa Manluluwas, tingali gikan kini sa Espiritu Santo!

Kasagaran, ang Espiritu Santo dili mogamit og kusog nga tingog o mohatag kanimo og dako gayod nga pagbati. Kini hilom ug malinawon. Ang pagkat-on sa pagsunod sa Espiritu Santo mahimong makuha sa pagpraktis.

Ikaw makahimo niini!

Ang Higala

Ang mga hunahuna ug mga pagbati gikan sa Espiritu Santo modan-ag sa atong dalan balik ngadto sa Langitnong Amahan. Kolori ang matag bombilya samtang magbasa ka og pipila ka paagi nga ang Espiritu Santo makatabang nimo.

Ang Espiritu Santo maka . . .

• puno kanako sa gugma, hingpit nga kalipay, kalinaw, hugot nga pagtuo, ug paglaom.

• hatag kanako og mga ideya sa pagtabang ug pagserbisyo.

• tabang kanako nga makahinumdom sa maayo nga mga butang.

• tabang kanako nga masayod unsay tinuod.

• tabang kanako nga masabtan unsay akong kat-onan.