Pagkat-on mahitungod sa Basahon ni Mormon

Kinsa Si Hari Benjamin?

Si Hari Benjamin usa ka propeta sa Dios ug usa ka matarong nga hari. Iyang gipundok ang iyang katawhan aron sa pagtudlo nila. Siya nagbarog diha sa usa ka tore aron daghang tawo ang makadungog kaniya. Ang katawhan nagpabarog og mga tolda libot sa tore aron maminaw. Sama kadto sa kinatibuk-ang komperensiya!

Si Hari Benjamin nagtudlo nga si Jesukristo matawo sa kalibotan. Si Jesus maghimo og mga milagro. Siya mag-antos ug mamatay alang sa mga sala sa tanang katawhan. Siya dayon mabanhaw aron nga kitang tanan mabuhi pag-usab!

Si Hari Benjamin midapit sa katawhan sa pagdala diha kanila sa ngalan ni Kristo. Kana nagpasabot nga sila naghimo og pakigsaad, o saad, sa pagsunod sa Dios ug motuman sa Iyang mga sugo.

Karon, atong gipakita nga kita andam sa pagdala diha kanato sa ngalan ni Kristo kon kita gibunyagan.

Paghimo og usa ka butang nga magpahinumdom nimo sa unsay gitudlo sa mga propeta sa Ginoo. Ipakigbahin unsay imong nahimo uban kanamo!

Dula Bahin sa Kasulatan [Scripture Challenge]

• Human ang katawhan naminaw ni Hari Benjamin, kang kinsa sila mihimo og pakigsaad? (Mosiah 5:5)

• Unsay gisulti ni Abinadi kang Hari Noah nga kinahanglan niyang buhaton aron maluwas? (Mosiah 12:33)

• Human si Alma ug Helam mihaw-as gikan sa tubig, sila napuno sa unsa? (Mosiah 18:14)

Mga tubag: Dios; motuman sa mga sugo; ang Espiritu

Makabasa Ako sa Basahon ni Mormon!

Human nimo og basa, kolori ang usa ka bahin sa litrato. Mahimo nimo nga basahon kining mga kasulatan nga kauban sa matag semana nga basahon gikan sa Dali, Sunod Kanako.

• Semana 1: Mosiah 4:9

• Semana 2: Mosiah 7:19

• Semana 3: Mosiah 16:9

• Semana 4: Mosiah 18:8–10

Mga paghulagway pinaagi ni Simini Blocker