“Pagpaminaw sa Espiritu Santo,” Higala, Mayo. 2024, 39.
Gisulat Nimo
Pagpaminaw sa Espiritu Santo
Usa ka adlaw panahon sa home evening, ang akong mama naghisgot kabahin sa Espiritu Santo. Miingon siya nga kasagaran ang Espiritu Santo mosulti pinaagi sa paghatag kanimo og panghunahuna diha sa imong hunahuna.
Sa dihang misulti siya niana, nasurprisa kaayo ko. Bag-ohay lang, nag-ampo ko ug mihangyo sa akong Langitnong Amahan sa pagtabang kanako nga makadungog sa Espiritu Santo. Apan wala ko masayod nga ang Espiritu Santo makasulti kanako diha sa akong hunahuna nga ingon niana. Sa tibuok nakong kinabuhi naghunahuna ko nga gigiyahan ko sa pagpili sa matarong. Karon nasayod ko nga kadtong mga panghunahuna miabot tungod sa Espiritu Santo!
Sukad niadto, mas namatikdan nako ang Espiritu Santo. Sa miaging Dominggo lang, nag-home evening na usab kami. Niining higayona mahitungod kini sa mga pagpamatuod. Wala gyod ko masayod kon unsa ang pagpamatuod, busa nangutana ko sa akong papa. Misulti siya nako nga ang pagpamatuod mao ang butang nga imong nahibaloan o gituohan nga tinuod. Miingon siya nga maangkon nato ang atong mga pagpamatuod gikan sa Espiritu Santo. Naghunahuna dayon ko kon unsaon nako sa pagsugod nga mas makamatikod sa Espiritu Santo, ug BOOM! Ako usab adunay usa ka pagpamatuod!
Ang pagkasayod niini nakapahimo nako nga mobati nga mas malipayon kaayo. Gusto ko nga mahimong usa ka mas maayo nga sumusunod ni Jesukristo ug kanunayng maminaw sa Espiritu Santo.
Paghulagway pinaagi ni Brenna Vaughan