Mubo nga mga Sulat sa Komperensiya

Mga Pasalig sa Pakigsaad

Si Presidente Oaks mitudlo nga ang usa ka pakigsaad usa ka pasalig sa paghimo og piho nga mga butang. Pananglitan, ang mga doktor ug mga bombero nakigsaad sa pagserbisyo sa katawhan sa ilang komunidad. Kon mohimo kita og mga pakigsaad ngadto sa Langitnong Amahan, sama sa dihang gibunyagan kita, kita misaad sa pagserbisyo Kaniya ug sa pagsunod sa Iyang mga sugo. Siya mopanalangin kanato kon kita motuman sa atong mga pakigsaad.

Nagtudlo kini kanako sa:

Padayon sa Pagbugsay

Si Elder Renlund naghisgot mahitungod sa kayaking nga kalihokan diin layo na siya nga nagbugsay kay sa iyang pamilya. Sa dihang mihunong siya, adunay balod nga mipatumba kaniya ngadto sa tubig. Ang tiggiya misulti kaniya sa pagpadayon sa pagbugsay aron siya makapadayon ug dili mahulog. Kon magpadayon kita sa “pagbugsay” padulong sa Manluluwas, magpabilin tang luwas ug segurado.

Nagtudlo kini kanako sa:

Pag-angkon og Pagpamatuod

Si Presidente Pace mipakigbahin kon giunsa sa dihang nag-edad siya og 11, pagpangutana sa iyang inahan kon nasayod ba siya alang sa iyang kaugalingon nga ang ebanghelyo tinuod. Nakahukom siya sa pagbasa sa Basahon ni Mormon ug mag-ampo aron masayod. Samtang iyang gibuhat, iyang nabati ang kahupayan ug kalinaw gikan sa Espiritu Santo. Nakatabang kini niya nga makaangkon sa iyang kaugalingong pagpamatuod.

Nagtudlo kini kanako sa:

Lima ka Bato

Si Sister Spannaus mihisgot sa istorya ni David ug Goliath. Sama ni David nga adunay lima ka bato sa pagpakig-away ni Goliath, adunay lima ka “bato” aron sa pagtabang ninyo sa pag-atubang sa mga hagit sa kinabuhi. Mao kini ang gugma alang sa Dios, hugot nga pagtuo kang Jesukristo, pagkahibalo nga kamo anak sa Dios, inadlaw nga paghinulsol, ug pag-akses sa gahom sa Dios.

Nagtudlo kini kanako sa:

Mga paghulagway pinaagi ni Josh Talbot