Vakabula mai Vanuatu!

Vulica na veika me baleti ira na luvena na Tamada Vakalomalagi e vuravura taucoko.

O Vanuatu e dua na matanitu yatu yanuyanu katakata na kena draki ena Wasa Pasifika. E sivia ni 300 na udolu na tamata era bula e kea!

Vosa

Na Vosa vaka-Bislama, Vakavalagi, kei na Varanise era kena vosa vakadonui. Voleka ni tamata kece e vosa vaka-Bislama!

Tangkyu.

E kena ibalebale na “vinaka” ena vosa vaka-Bislama!

Na iVola i Momani

A vakadewataki na iVola i Momani kina vosa vaka-Bislama ena 2004. Mai na gauna oya, e rauta ni 8,000 na tamata era sa lewena na Lotu mai Vanuatu!

Yanuyanu Draki Katakata

E kilai tu o Vanuatu ena kena veimatasawa totoka kei na wai karakarawa makare. Eso na veimatasawa e tu kina na nuku loaloa!

iLavo Duiroka

O Vanuatu e serau na duiroka ni kena ilavo ka tu kina na iyaloyalo eso ni veika bula ena kena veiyanuyanu kei na kau e tubu kina kei na kena manumanu.

iTaviqaravi

iSala Senikau

Ena soqo kei na soqo vakavanua, era dau dara na tamata e Vanuatu na isala senikau duiroka.

Kotiva na pepa rokataki ki na ibulibuli ni senikau. Cakava e dua na qara lailai ena loma ni senikau yadua. Kotiva e dua na wa me rawa ni oro wavoki e ulumu. Waniculaculataka na senikau pepa ki na wa. Qai bukia vata na mua ni wa. Sa vakarau tu na nomu isala me daramaki!

iCakacaka ni kakana

Keke Vakaniu

Na keke niu e dua na ivakalomavinaka kilai levu e Vanuatu. Oqo e dua na icakacaka ni kakana o rawa ni tovolea!

1. Wakia vata e 1/2 na bilo suka kei na 3/4 na bilo bata vakawaicalataki ena dua na beseni.

2. Kuria yani e 2 na yaloka ka wakia.

3. Sova yani e 1/2 ni bilo na valawa, 1 na bilo niu sa kari tu, kei na 1 na sepuni vakatubu.

4. Sova ena dua na tere ni keke wavoki sa boro tu ena bata ka vavia me 20 na miniti ena 300 °F (150 °C).

Raica mo vukei mai vua e dua na qase!

iTaba mai vei Anna Oldroyd