“Kaukauwa ni Valetabu,” iTokani, Me 2024, 2–3.
E Dua na iTukutuku ni Koniferedi mai vua na Parofita
Kaukauwa ni Valetabu
Tauri mai na “Marautaka na iSolisoli ni iDola ni Matabete,” Liaona, Me 2024, 119–21.
Ena Maji, a volia kina na Valetabu e Katiladi na Lotu i Jisu Karisito ni Yalododonu Edaidai. Na valetabu oqo a dua na tiki bibi ni vakalesui mai ni kosipeli i Jisu Karisito.
E nai ka 3 ni Epereli, 1836, a rairai kina o Jisu Karisito vei Josefa Simici kei Oliva Kauderi ena Valetabu e Katiladi. A ciqoma na iVakabula na valetabu me Nona vale. A qai yalataka, “Au na vakatakilai au vei ira na noqu tamata ena loloma cecere ena vale oqo” (Vunau kei na Veiyalayalati 110:7). Na yalayala oqo e baleti ira kece na valetabu nikua.
Ena valetabu, sa rawa mo ciqoma kina na isau ni masu. E rawa talega ni o ciqoma na vakabauta, igu, vakacegu, kila ka, kei na kaukauwa. Na gauna ena valetabu ena vukei iko mo vakasamataka na veika vakasilesitieli ka raica se o cei dina o iko ka o cei o rawa ni yaco mo vakataka. Ena vukei iko mo kila na sala o na veirauti kina kei na ituvatuva vakasakiti ni Kalou. Au yalataka vei iko oya.
Valetabu e Katiladi
iTaviqaravi ni Kotivi-Tani
Kotiva wavoki na bati ni Valetabu e Katiladi. Qai lobika ena laini digo sa tu kina ka vakabira vata na tutuna kei na delavuvu.
Na cava na Valetabu e Katiladi?
A tara na Valetabu e Katiladi mai Katiladi, Oaio, Amerika, ena 1836. E a imatai ni valetabu ni Lotu vakalesui mai.
E muri, era a qai biuta tu mai na lewe ni Lotu me ra toki yani ki na ra. E dua tale na lotu a qai qarava tu na vale oqo ena vuqa na yabaki. Wale tikoga qo, a volia na valetabu na Lotu i Jisu Karisito ni Yalododonu Edaidai.
iTaba mai vei David Green