iTaviqaravi ni Lako Mai, Mo Muri Au

Me baleta na lotu vakamatavuvale se vuli ivolanikalou—se ka ni lasa ga!

Lako ena iMawe ni Yavana

Me Baleta na Mosaia 4–6

E muria o Mosaia na Tui na ivunau ka “sa lako ena sala ni Turaga” (Mosaia 6:6). Ena dua na tiki ni pepa, vakatotomuria na yavamu ka kotiva tani na kena ibulibuli. Vola ena yavamu e dua na sala o rawa ni muri Jisu kina. Biuta na yavamu ena vanua o rawa ni nanuma mo muria kina na ivakaraitaki i Jisu Karisito.

Me baleti ira na gone sobu: Taubale. Me vakatovotovotaka na luvemu na ikalawa ena vanua o kalawa kina. Veitalanoataka na sala eda rawa ni muri Jisu Karisito kina ena noda cakava na veika e cakava o Koya, me vaka na nodra vukei na tani kei na papitaiso.

Muria na Parofita

Me Baleta na Mosaia 7–10

E vakavuvulitaka o Amoni ni rawa ni ra raica na parofita na veika ena yaco mai (raica na Mosaia 8:16–17). Cega na tabana 2 mo wilika kina na itukutuku nei Peresitedi Nelson mai na koniferedi raraba. Na cava evakavulica veikeda o koya? Droinitaka e dua na kena iyaloyalo ka vakauta mai vei keitou ena iTokani.

Me baleti ira na gone lalai: Lagata na “Follow the Prophet” (Children’s Songbook, 110–11) kei iratou na luvemu. Ena veigauna kece o lagata kina na vosa parofita, dusia na iyaloyalo ni parofita.

E Dua na Rarama ena Butobuto

Me Baleta na Mosaia 11–17

E vakavuvulitaka o Alama ni o Jisu Karisito “sai Koya na rarama sa tawacava, ka sega ni vakabutobutotaki rawa” (Mosaia 16:9). Vunia e dua na iyaya e loma ni vale. Bokoca na cina ka me ratou tovolea taucoko me ratou kunea ena butobuto. Qai vunitaka na iyaya ka tovolea mo kunea ena cina se ena cinalivaliva. Na sala cava a rawarawa kina? E vukei keda vakacava o Jisu me vaka na kena vukei iko na rarama?

Me baleti ira na gone sobu: Me vakatovotovotaka na luvemu me bokoca ka waqaca tale na cina livaliva se na cina. Qai vakamacalataka ni o Jisu Karisito esa dua na rarama ka sega ni rawa ni vunitaki se bokoci.

Vakaduavatataki na Yalo

Me Baleta na Mosaia 18–24

E vakavulica vei keda o Alama me da “semata vata na yaloda ena duavata kei na veilomani” (Mosaia 18:21). Kena ibalebale oqori e dodonu me da cakacaka vata ka vakaraitaka na loloma vei ira na tani. Cakava e dua na itui uto me vakananuma vei iko! Kotiva eso na uto pepa ka vola na yacadra yadua na lewe ni matavuvale. Vaqarataka na uto yadua ka vakacuruma kina e dua na wa me sema kina na uto. Vakaliliga cake na wa ni uto mo dau raica wasoma!

Me baleti ira na gone sobu: Taroga vua na luvemu e dua na ka e dau taleitaka me baleta na tamata yadua ena matavuvale. Tukuna vua na luvemu e dua na ka e dau cakava e vakaraitaka na loloma vei ira na tani!

Droini mai vei Katy Dockrill