“iVakamacala ni Koniferedi,” iTokani, Me 2023, 5.
iVakamacala ni Koniferedi
Yalayala ni Veiyalayalati
O Peresitedi Oaks e vakavulica ni veiyalayalati sa dua na yalayala meda cakava eso na ka. Kena ivakaraitaki, era veiyalayalati na vuniwai kei ira na daubokobuka mera qaravi ira na tamata ena nodra itikotiko. Nida cakava na veiyalayalati kei na Tamada Vakalomalagi, me vakataka na gauna eda papitaiso kina, eda sa yalataka meda qaravi Koya ka talairawarawa kina Nona ivakaro. E vakalougatataki keda o Koya nida maroroya na noda veiyalayalati.
Oqo na ka e vakavulici au:
Mo Voce Tikoga.
O Elder Renlund a tukuna me baleta e dua na ilakolako ni vodo bavelo ka voce vakayawa sara yani kina i liu mai na nona matavuvale. Ni cegu ga, a biliraki koya e dua na ua iwai. A tukuna vua na dauveidusimaki me voce tiko ga me rawa ni toso kina i liu me kua ni tavuki. Kevaka eda “voce tikoga” vua na iVakabula, eda na rawa ni taqomaki ka tudei tu.
Oqo na ka e vakavulici au:
Rawati ni iVakadinadina
O Peresitedi Pace e wasea na sala a taroga kina o tinana ni se qai yabaki 11, kevaka e kila tu vakataki koya ni dina ni kosipeli. A nanuma o koya me wilika na iVola i Momani ka masulaka me kila. Ni cakava vakakina, a vakila na vakacegu mai vua na Yalo Tabu. Oqo a vukei koya me rawata na nona ivakadinadina.
Oqo na ka e vakavulici au:
Lima na Vatu
O Sister Spannaus a tukuna na italanoa kei Tevita kei Koliaci. Me vaka ga ni tu vei Tevita e lima na vatu me valuti Koliaci kina, e tiko e lima na “vatu” me vukei iko mo sotava na bolebole eso ni bula. Oqo na lomana na Kalou, vakabauti Jisu Karisito, na kila nio luve ni Kalou, veivutuni e veisiga, kei na rawata na kaukauwa ni Kalou.
Oqo na ka e vakavulici au:
Droini mai vei Josh Talbot