“Na Veitalanoa kei Isabela me Baleta na Veiyalayalati,” iTokani, Me 2024, 40–41.
E Dua na Veitalanoa kei Isabela me Baleta na Veiyalayalati
O Isabela e cavutu mai Alajuela, Costa Rica. Keirau a tarogi koya ena so na taro me baleta na ibalebale ni kena maroroi na nona veiyalayalati ni papitaiso.
Vakamacalataki iko mada.
Au sa yabaki 13. Au taleitaka na qito soka, vakasasaqa, culacula, qalo, kei na qaravi ira na tani. Na noqu tadra sa ikoya meu dua na vuniwai ni manumanu baleta ni‘u taleitaka meu vukei ira na manumanu. Na kakana au dau taleitaka o ya na spaghetti kei na pizza, ka noqu roka taleitaki na lokaloka.
O na maroroya vakacava na nomu veiyalayalati ni papitaiso?
Au dau veivutuni ka vakayagataka na sakaramede ena veimacawa. E tiko na noqu veikacivi ena noqu kalasi ni Goneyalewa, ka‘u tovolea me‘u taura vakabibi. Au maroroya talega na noqu veiyalayalati ena noqu qaravi ira na tani.
Na cava mo cakava mo qaravi ira kina na tani?
Au dau taleitaka me‘u vukea na noqu matavuvale. Au dau qito wasoma kei na tavalequ yabaki tolu, o Lina, ni rau cakacaka voli na nona itubutubu. Au taleitaka me‘u vukei rau na tubuqu ena gauna era gadrevi au kina. Au dau vukei ira talega na noqu itokani va-kalasi ena nona vulica na nona veitarogi ena vosa vakaVaranise e koronivuli.
Tukuna mada eso tale na ka me baleta na nomu veikacivi!
O au na imatai ni daunivakasala ena noqu kalasi ni Goneyalewa. Na noqu itavi e oka kina na veiqaravi vei ira na goneyalewa. Kena ibalebale oqo me‘u vukei ira ena ka kecega era gadreva. Au dau gole ki na kalasi kei na itaviqaravi, ka‘u saga me‘u itokani vei ira na goneyalewa tale eso ena noqu kalasi era sega ni lako mai.
Na ivakasala cava o na solia vua e dua me baleta na imatai ni nona veikacivi?
Au na tukuna vei ira ni sega ni dodonu me ra rere. Na veikacivi sa ikoya e dua na sala o rawa ni veivuke kina ena cakacaka ni Tamada Vakalomalagi. Na sala vinaka duadua mo vukei ira kina na tani sai koya na nomu ivakaraitaki!
Droini mai vei Vivian Mineker