“Na Cava o Vakasamataka Tiko?” iTokani, Me 2024, 38.
Na Cava o Vakasamataka Tiko?
Au na kila vakacava ni Yalo Tabu se o au?
—Vakauqeti mai Parisi
Veivakauqeti,
Na Yalo Tabu e rawa ni dusimaki iko vakalevu cake mai na kena o vakasamataka. Kevaka o sa papitaiso ka vakadeitaki ka sa cakava tiko na nomu vinaka duadua mo muria na ivunau, ena “tiko ga kei iko na Nona Yalotabu” (Vunau kei na Veiyalayalati 20:77). Ia, ko na kila vakacava?
Na Yalo Tabu ena liutaki keda meda “kitaka na ka vinaka” (Vunau kei na Veiyalayalati11:12) ka vukei keda meda “kila na dina ni veika kecega” (Moronai 10:5). Kevaka o vakasamataka mo cakava e dua na ka vinaka se vakila na loloma vua na iVakabula, e rairai ni oqori e vu mai vua na Yalo Tabu!
Ena vuqa na gauna, na Yalo Tabu e sega ni dau vakayagataka e dua na domo levu se solia vei iko e dua na yalo cecere. E vakanomodi ka veivakacegui. Na vulici ni vakamuri ni Yalo Tabu ena rawa ni ka ni vakatovotovo.
E rawa ni o cakava oqori!
Na iTokani
Na vakasama kei na veika e vakilai mai na Yalo Tabu ena vakararamataka na noda sala lesu vei Tamada Vakalomalagi. Rokataka na matanicina yadua ni o wilika eso na sala e rawa ni vukei iko kina na Yalo Tabu.
Na Yalo Tabu e rawa ni . . .
-
vakasinaiti au ena loloma, reki, vakacegu, vakabauta, kei na inuinui.
-
solia vei au na vakasama meu veivuke ka veiqaravi.
-
vukei au me‘u nanuma na veika vinaka.
-
vukei au me‘u kila na cava e dina
-
vukei au me‘u kila na veika au sa vulica.