“Gauna ni iTalanoa me Baleta na iVolanikalou,” iTokani, Me 2024, 30–31.
Gauna ni iTalanoa me Baleta na iVolanikalou
“E dua beka e tiko vua e dua na ivola e vinakata me‘u wilika nikua?” Kemuni. Taroga o Otoo.
A yaco na italanoa oqo mai Ghana.
“Oqo sa gauna ni wilivola,” A kaya o Mr. Otoo.
A dabe vakadodonu cake mai o Nyameye. E gauna lasa na gauna ni wilivola!
Ena veisiga e koronivuli, era dau wilika e cake na nodra qasenivuli e dua na ivola ki na kalasi. Ena so na gauna e dau wilika na veika me baleta na manumanu. Ena so na gauna e dau wilika me baleti ira na tamata ena veimatanitu tale eso. Ka so na gauna a taroga ki na kalasi kevaka e tiko e dua na ivola era vinakata me wilika.
“E dua beka e tiko vua e dua na ivola e vinakata me‘u wilika nikua?” Kemuni. Taroga o Otoo.
A laveta cake na ligana o JNyameye. “O au!” A tatara ena nona loma ni kato ka dreta mai na nona ivola taleitaki. Oqo e dua na ivola ni talanoa ni iVola i Momani! A kauta mai o koya me wiliwili ni oti na vuli ni waraki tinana tiko me laki kauti koya yani. Ni raica na iyaloyalo e vukei koya me kila vinaka na italanoa ni ivolanikalou.
Kemuni. Otoo a matadredredre ni sa raica na ivola levu. “Ena sega na gauna me da wilika taucoko kina. E tiko beka e dua na tikina o vinakata me‘u wilika?”
“Io” a kaya o Nyameye. A cega na veidraunipepa me yacova ni sa kunea na nona italanoa taleitaki. “E rawa beka ni o wilika oqo, yalovinaka? “E vakatokai na tadra i Liai.”
“Na cava e talanoataki kina?” Kemuni. Taroga o Otoo.
“E baleta e dua na parofita ka a raica e dua na raivotu. A raica e dua na vunikau totoka kei na vuana kamica.” A dusia o Nyameye e dua na iyaloyalo ni vunikau. “E vinakata o koya me ratou kania vata kei koya na vuanikau na nona matavuvale. E rawa beka ni o wilika? A solia o Nyameye vei nona qasenivuli na ivola.
“Sa donu vinaka,”. A kaya o Mr. Otoo. Sa qai tekivu wiliwili i cake. E wilika o koya na sala qiqo e mua tiko ki na vunikau. A wilika me baleta na itautauri kaukamea. Ka wilika me baleta na kena maroroi na ivunau.
A laveta na ligana o Selorm na itokani nei Nyameye. “Na mataqali vunikau vakacava beka?” a tarogi Nyameye.
“Au sega ni kila,” a kaya o Nyameye. “Ia sa rui vinaka na vuana. E dodonu me vinaka cake sara mai na dua na vunimaqo!” Qai tu vakadua o Nyameye me vakasamataka. “Au vulica mai valenilotu ni ibalebale ni vuanikau sa ikoya na loloma ni Kalou. Sa vakaibalebale kina na kena sa rui kana vinaka ka taleitaki!”
Ni sa oti na kalasi, a dabe e tautuba o Nyameye me waraki tinana. A dreta mai na nona ivola ni italanoa ni iVola i Momani me wilika eso tale na ka.
“Oya e dua na italanoa totoka,” a kaya o Selorm. A dabe tikivi Nyameye. “E rawa beka ni‘u wilika e dua tale vata kei iko?”
“Io!” A vuki o Nyameye ki na dua tale na italanoa. E rau wilika me baleti Apinatai kei Noa na Tui.
E vuqa tale na nodrau lewe ni kalasi era sa mai vakarorogo. Ni ra vakatataro, a sauma mai o Nyameye. A tarogi ira mada ga ena taro me ra kilakila mada me baleta na italanoa era sa wilika!
Sega ni dede sa raici tinana o Nyameye ni lako tiko yani vei iratou. “Vinaka vakalevu na wiliwili vata kei au,” a kaya vei ira na vo ni gone. A sogota na ivola ka matadredredre. A marau ni ratou taleitaka na nona itokani na nona italanoa taleitaki me vakataki koya.
iTaba mai vei Zhen liu