“O Cei Mada na Tui o Penijamini?” iTokani, Me 2024, 24–25.
Vulica na iVola i Momani
O Cei Mada na Tui o Penijamini?
Na Tui o Penijamini e a parofita ni Kalou ka tui yalododonu. A vakasoqoni ira na nona tamata me vakavulici ira. A tucake tu o koya ena dua na vale cecere me rawa ni ra rogoci koya kina na tamata. Era a tara valelaca wavokita na vale cecere na tamata me ra vakarorogo. E a vaka na koniferedi raraba!
A vakavulica na Tui o Penijamini ni na mai sucu ko Jisu Karisito e vuravura. O Jisu e rawa ni cakava na cakacaka mana. Ena sotava o koya na rarawa ka mate ena vuku ni valacala ca ni tamata kece ga. Ena qai tucaketale o Koya me rawa ni da bula kece tale!
A sureti ira na tamata na Tui o Penijamini me ra taura na yaca i Karisito. Kena ibalebale oqori ni ra sa vakayacora e dua na veiyalayalati, se yalayala, me ra muria na Kalou ka rokova na Nona ivakaro.
Nikua, eda sa vakaraitaka ni sa lomada me da taura na yaca i Karisito ena gauna eda sa papitaiso kina.
Bolebole ni iVolanikalou
-
Ni oti na nodra vakarorogo na tamata vua na Tui o Penijamini, o cei era a veiyalayalati vata kaya? (Mosaia 5:5)
-
Na cava e tukuna o Apinatai vua na Tui o Noa e gadrevi me cakava me vakabulai kina? (Mosaia 12:33)
-
Ni rau sa biuta mai na wai o Alama kei Ilami, e rau sa vakasinaiti ena cava? (Mosaia 18:14)
Au Rawa ni Wilika na iVola i Momani!
Nio sa wilika oti, rokataka e dua na tiki ni iyaloyalo. E rawa ni o wilika na ivolanikalou eso oqo ka salavata kei na wiliwili ni veimacawa mai na Lako Mai, Mo Muri Au.
-
Macawa 1: Mosaia 4:9
-
Macawa 2: Mosaia 7:19
-
Macawa 3: Mosaia 16:9
-
Macawa 4: Mosaia 18:8–10
Droini mai vei Simini Blocker