iTalanoa ni iVolanikalou

Era Masu e Yalodra na Tamata i Alama

Droini mai vei Andrew Bosley

O Alama e a dua na parofita ka a vakavulici ira na tamata. O ira era vakabauta era a papitaiso. Era a vakayacora e dua na veiyalayalati me ra muria na Kalou.

E dua na tamata ca na yacana o Emuloni a yaco me iliuliu vei ira na tamata i Alama. Sa dau vakacacani ira sara vakalevu. A vakacolata vei ira na icolacola bibi.

A masuta o Alama kei ira na nona tamata na veivuke. Ia a bulia o Emuloni e dua na lawa ni ra na vakamatei o ira era masu.

Era sa mani sega ni masu e cake na tamata. Ia era a masu tikoga e lomadra kei na nodra vakasama. Sa sauma na Kalou na nodra masu.

E kila na Kalou ni ra a vakayacora e dua na veiyalayalati kei Koya. A yalataka o Koya me na vakaukauwataki ira. A vakacegui ira ka vakamamadataka na nodra icolacola. E muri, a vukei ira sara mada ga na Kalou me ra drotaki Emuloni ka gole yani ki na veitaqomaki.

O rawa nio wilika na italanoa oqo e na Mosaia 24.