“Vakarorogo kina Yalo Tabu,” iTokani, Me 2024, 39.
Volai mai vei Iko
Vakarorogo kina Yalo Tabu
Dua na siga ena lotu vakamatavuvale, a vosa tiko o tinaqu me baleta na Yalo Tabu. E kaya o koya ni vakawasoma ena dau vosa na Yalo Tabu ena nona vakavurea e dua na vakanananu ena nomu vakasama.
Ni kaya mai o koya, au sa kurabui sara ga. Ena dua na gauna walega oqo, au a masu ka kerea na Tamaqu Vakalomalagi me vukei au me‘u rogoca na Yalo Tabu. Ia au sega ni kila ni rawa ni vosa vei au ena noqu vakasama na Yalo Tabu. Ena noqu bula taucoko e dau yaco mai eso na vakanananu ka vukei au me‘u digitaka na dodonu. Au sa qai kila oqo ni vakanananu oqori e lako mai vua na Yalo Tabu!
Mai na gauna oya, au sa dau vakila vakalevu cake na Yalo Tabu. Ena Sigatabu sa oti, keitou a lotu vakamatavuvale tale. Ena gauna oqo a baleta na ivakadinadina. Au sega sara ga ni kila se cava na ivakadinadina, au mani tarogi tamaqu. E tukuna vei au ni ivakadinadina e dua na ka o kila se vakabauta ni dina. E kaya o koya nida na rawata na noda ivakadinadina mai vua na Yalo Tabu. Au sa qai vakasamataka na noqu sa tekivu vakila na Yalo Tabu vakalevu cake, ka BOOM! Au sa rawata talega e dua na noqu ivakadinadina!
Niu kila oqo e vakavuna me‘u marau vakalevu cake. Au vinakata me‘u tisaipeli vinaka cake i Jisu Karisito ka dau vakarorogo tu ga kina Yalo Tabu.
Droini mai vei Brenna Vaughan