“Sotavi Elder Patrick Kearon,” iTokani, Me 2024, 7.
Kacivi na iApositolo Vou
Sotavi Elder Patrick Kearon
Tauri mai na Trent Toone, “Na ‘totoka’ kei na ‘tadodo’ ni veika sotavi ni bula ka vakarautaki Elder Kearon me dua na iApositolo,” Church News, 23 ni Janu., 2024.
O Elder Patrick Kearon e lewe vou duadua ni Kuoramu ni iApositolo Le Tinikarua! A sucu ka bulavoli mai Igiladi. A vakaitikotiko talega o koya mai Saudi Arabia kei na nona matavuvale ni a cakacaka voli e kea o tamana. A kacivi o koya me dua na iApositolo e na ika 7 ni Tiseba, 2023.
Ni se itabagone qase cake, a sotavi ira eso na daukaulotu mai na Lotu i Jisu Karisito ni Yalododonu Edaidai e Lodoni o Elder Kearon ia sega ni taleitaka na nodra itukutuku. E muri, era sa tekivu vakavulici koya na daukaulotu me baleta na kosipeli ka vakila o koya na Yalo Tabu. Ni vulica tiko e levu cake na ka me baleta na Lotu, a ciqoma o Elder Kearon e dua na veivakalougatataki ni matabete. E kaya o koya ni dua na ka totoka ka vukei koya me vakatulewataka me lewena na Lotu. A papitaiso ena yakavi ni bera na Siganisucu ni sa yabaki 26.
E va na luvedrau o Elder Kearon kei watina, o Jennifer. A mate na imatai ni luvedrau ni se gonelailai sara. Oqo e dua na gauna ni rarawa vei rau o Elder kei Sisita Kearon. Ia a vukea na vaqaqacotaki ni nodrau vakabauta na tucaketale kei na kosipeli i Jisu Karisito. A kacivi o Elder Kearon me Vakaitutu Raraba ena Vitusagavulu ena 2010. E dau taleitaka na raici ira na lewe ni Lotu ni ra vukei ira na vakaleqai tu e vuravura taucoko.
E vakavinavinakataka o Elder Kearon na yavu ni veivakabulai. E kila o Koya ni veigauna dredre mada ga eda rawa ni dau vakila tu ga kina na loloma ni Tamada Vakalomalagi kei na iVakabula.