Gikan sa Unang Kapangulohan

Pagserbisyo Niadtong Nanginahanglan

Ni Presidente Dallin H. Oaks

Unang Magtatambag sa Unang Kapangulohan

Dallin H. Oaks

Gikuha gikan sa “Pagtabang sa mga Kabos ug sa mga Nagkalisod,” Liahona, Nob. 2022, 6–8.

Lalaki nga nagtudlo sa mga bata ilawom sa kahoy

Ang Simbahan ni Jesukristo sa mga Santos sa Ulahing mga Adlaw mapasaligon sa pagserbisyo niadtong nanginahanglan. Nagkinahanglan kini og daghang tawo aron mahimo kini. Ang tanang anak sa Dios gidasig sa pagserbisyo sa usag usa kutob sa ilang mahimo.

Usa sa maayong ehemplo sa pagserbisyo mao ang usa ka tawo nga ginganlan og Mr. Gabriel. Iyang nakita nga daghang bata sa East Africa ang nanginahanglan og tabang. Gihangyo niya ang ubang magtutudlo nga tabangan siya sa paghimo sa unsay gitawag nila nga “kahoy nga mga eskwelahan.” Ang mga bata moadto aron magleksiyon ilawom sa landong sa kahoy. Si Mr. Gabriel wala maghulat sa uban sa pagbuhat sa usa ka butang. Gibuhat niya kutob sa iyang mahimo aron matabangan ang liboan ka mga bata nga makakat-on.

Ako nagpamatuod kang Jesukristo. Ang Iyang kahayag ug Espiritu mogiya natong tanan sa pagtabang sa uban sa tibuok kalibotan.

Serbisyo nga Pagpangutingkay og mga Butang

Makahimo ka og kalainan sama ni Mr. Gabriel! Buhata ang daghang kalihokan sa ubos kutob sa imong mahimo. Mahimo ba nimo ang tanang 10?

• Manglimpyo alang sa usa ka tawo.

• Mohatag sa usa ka tawo og hinimo nga gasa.

• Magbilin og mabination nga sulat nga makita sa usa ka tawo.

• Magbaton og bag-ong higala.

• Motawag o mobisita sa usa ka tawo nga nag-inusara.

• Mohatag sa usa ka tawo og sulat sa pasalamat.

• Mopunit og lima ka piraso nga basura.

• Mangutana sa usa ka silingan kon unsaon nga makatabang ka nila. Dayon buhata kini!

• Mopakigbahin og usa ka butang (sama sa pagkaon o kadulaan) ngadto sa usa ka tawo.

• Mopahiyom sa usa ka tawo ug moingon og kumusta!

Maglakalakaw uban sa mga bata nga magbuhat og mabination nga mga butang samtang anaa sa dalan

Mga paghulagway pinaagi ni Shawna J. C. Tenney