Pagkat-on mahitungod sa Basahon ni Mormon

Kinsa ang mga Anak nga Lalaki ni Mosiah?

Si Mosiah usa ka propeta sa Dios ug usa ka matarong nga hari. Ang iyang mga anak nga lalaki mao sila si Ammon, Aaron, Omner, ug Himni. Sa mga batan-on pa sila, nangulo sila sa mga tawo palayo sa Simbahan ni Jesukristo.

Ang usa ka anghel mipakita nila. Siya misulti nila nga maghinulsol. Ang mga anak nga lalaki ni Mosiah naghinulsol ug mipili nga mosunod sa Manluluwas. Silang tanan nagmisyon ug nagtudlo sa uban mahitungod ni Jesukristo.

Gitudloan nila ang mga Lamanite sa ebanghelyo. Pipila sa mga tawo naminaw ug nagpabunyag. Ang uban wala maminaw. Apan ang mga anak nga lalaki ni Mosiah wala mohunong. Ang Dios mitabang kanila.

Paghimo og misyonaryo nga name tag alang sa imong kaugalingon. Ibutang kini sa usa ka lugar aron mapahinumdoman ka nga motabang sa uban nga moduol ngadto ni Jesukristo. Ipakigbahin ngari kanamo unsa ang imong gibuhat!

Dula Bahin sa Kasulatan [Scripture Challenge]

• Kinsa ang mipadala sa anghel nga mipakita ni Alma nga Batan-on? (Mosiah 27:15)

• Kinsa ang mipakita ngadto ni Amulek ug misulti niya nga pakan-on si Alma? (Alma 10:7)

• Human nga si Zeezrom naayo, unsa ang iyang gihimo? (Alma 15:12)

Mga tubag: Dios; usa ka anghel; siya nagpabunyag ug nagsangyaw ngadto sa katawhan

Makabasa Ako sa Basahon ni Mormon!

Pagkahuman nimo og basa, kolori ang usa ka bahin sa litrato. Mahimo nimo nga basahon kining mga kasulatan nga kauban sa matag semana nga basahon gikan sa Dali, Sunod Kanako.

• Semana 1: Mosiah 26:22

• Semana 2: Mosiah 29:43

• Semana 3: Alma 5:48

• Semana 4: Alma 12:33–34

• Semana 5: Alma 13:28–29

Mga paghulagway pinaagi ni Audrey Day