Dali, Sunod Kanako nga mga Kalihokan

Alang sa home evening o pagtuon sa kasulatan—o alang sa kalingawan lamang!

Mayo 27–Hunyo 2

Pagkolor sa Kaayo sa Dios

Alang sa Mosiah 25–28

Si Hari Mosiah nagbasa og mga istorya ngadto sa iyang katawhan mahitungod kon giunsa sa pagpanalangin ang katawhan ni Alma. Sa dihang nakadungog sila sa mga istorya, sila naghunahuna mahitungod sa “diha-diha nga kaayo sa Dios” (Mosiah 25:10). Pangutan-a ang inyong mga ginikanan ug mga apohan mahitungod kon unsa ka maayo ang Dios sa inyong pamilya. Pagdrowing og mga litrato sa paborito nga mga istorya nga inyong nadungog.

Alang sa mas gagmay nga mga bata: Mohimo sa koloranan nga pahina nga naa sa pahina 48. Samtang kamo magkolor, hisgoti ang mga paagi nga kita makabati sa gugma sa Langitnong Amahan ug ni Jesukristo.

Hunyo 3–9

Bookmark sa Bunyag

Alang sa Mosiah 29–Alma 4

Si Alma nagbunyag og daghang tawo. Sa dihang sila nabunyagan, sila miapil sa Simbahan sa Dios (Alma 4:5). Paghimo og bookmark sa bunyag! Paggunting og gamay nga rectangular nga piraso sa papel. Pagdrowing og usa ka tawo nga gibunyagan sa usa ka pikas bahin niini. Sa laing pikas nga bahin, isulat ang mga bersikulo sa kasulatan nga inyong makit-an nga nagtudlo mahitungod sa bunyag. Gamita ang inyong bookmark sa bunyag alang sa inyong pagbasa sa kasulatan.

Alang sa mas gagmay nga mga bata: Kantaha o paminawa ang kanta nga “Bunyag” (Songbook sa mga Bata, 54). Matag higayon nga kamo makadungog sa mga pulong nga “bunyag” o “Jesus,” tindog.

Hunyo 10–16

Gunit sa Magbalantay

Alang sa Alma 5–7

Si Jesukristo mao ang Maayong Magbalantay, ug Siya gusto nga kita moduol ngadto Kaniya (tan-awa sa Alma 5:38). Dulaa ang dula sa tag sa magbalantay! Ang tawo kinsa mao ang “it” mao ang magbalantay nga mopundok sa karnero. Kon ang magbalantay mogunit og usa ka tawo, sila mosunod sa magbalantay. Kon ang tanan nagunitan na, dulaa pag-usab nga adunay bag-o nga magbalantay!

Alang sa mas gagmay nga mga bata: Si Jesus sama sa usa ka magbalantay, ug Siya nagtawag kanato nga moduol ngadto Kaniya. Patagoa ang usa ka tawo ug patawaga sa ngalan sa inyong gagmay nga bata. Dayon ipapangita sila sa inyong bata.

Hunyo 17–23

Paspas nga Pagkanta

Alang sa Alma 8–12

Sa dihang ang usa ka anghel misulti ni Alma sa pagtudlo sa katawhan, Si Alma miadto nga “nagdali” (Alma 8:18). Hisgoti ang mahitungod kon unsaon ninyo nga magdali sa pagsunod sa mga sugo sa Dios. Dayon kantaha ang “Pilia ang Matarong nga Paagi” (Songbook sa mga Bata, 82). Sa unang higayon, kantaha og hinay ang kanta. Dayon kantaha kini pag-usab, nga mag-anam og ka paspas. Unsa ka paspas kamo makakanta niini?

Alang sa mas gagmay nga mga bata: hatagi ang inyong mga gagmay og yanong aksiyon nga buhaton, sama sa paglukso, paghikap sa mga kumagko sa tiil, o pagtuyok. Dapita sila sa pagsulay sa paghimo sa aksiyon nga mag-anam og ka paspas. Dayon hisgoti kon sa unsang paagi nga kita mahimong magdali sa pagsunod sa Dios.

Hunyo 24–30

Mga Istorya sa Kasulatan

Alang sa Alma 13–16

Si Alma ug si Amulek mitudlo sa katawhan nga motan-aw ngadto ni Jesukristo ug maghinulsol (Alma 13:16). Basaha ang istorya sa pahina 26 aron magkat-on pa mahitungod nila ni Alma ug Amulek. Giunsa pagtabang sa Dios kanila? Giunsa Niya sa pagtabang kaninyo?

Alang sa mas gagmay nga mga bata: Tan-awa ang painting ni Jesukristo sa pahina 49. Hisgoti kon unsay sama nga makakita Kaniya!

Mga paghulagway pinaagi ni Katy Dockrill