“Pagsunod ni Jesus didto sa Belgium,” Higala, Hunyo. 2024, 6–7.
Pagsunod ni Jesus didto sa Belgium
Himamata sila si Eloïse ug Maëline!
Giunsa nila ni Eloïse ug Maëline Pagsunod si Jesus
Si Eloïse nagsunod ni Jesukristo pinaagi sa pag-ampo alang sa kahupayan. Karong bag-o, ang ilang lolo namatay. Masulub-on kaayo siya. Apan ang pagpakig-istorya sa iyang mga higala, pamilya, ug sa Langitnong Amahan nakatabang niya nga mobati nga wala kaayo mag-inusara. “Nasayod ko nga kon ako gusto nga makigsulti sa Langitnong Amahan, ako makaampo ug Siya maminaw kanako,” miingon siya.
Si Maëline misunod sa Manluluwas pinaagi sa pagpakigbahin sa iyang pagpamatuod ngadto sa iyang mga higala. Sa dihang ang iyang pamilya nagtuon sa mga kasulatan, nakat-onan niya ang mahitungod ni Jesukristo nga mibati sa tanang kasakit gikan sa matag tawo samtang Siya didto sa Getsemani. Gusto siya nga mopakigbahin sa iyang pagpamatuod bahin Kaniya ngadto sa iyang higala. “Gisultihan nako ang akong higala nga kon siya adunay kasakit, si Jesus makatabang kaniya,” miingon si Maëline.
Mahitungod nila ni Eloïse ug Maëline
Mga edad: 10 ug 7
Gikan sa: Hainaut, Belgium
Mga pinulongan: French ug Dutch
Tumong: Si Eloïse gusto nga mahimong yaya. Si Maëline gusto nga mahimong mag-aawit ug mahimong maayo nga mo-drowing.
Mga hobby: Si Eloïse ganahan og sport ug modagan uban sa iyang mama. Si Maëline ganahan modrowing, mosayaw, mokanta, moluto, ug mohatag og mga halok ug mopangga.
Pamilya: Eloïse, Maëline, Mama, Papa, ug usa ka igsuong lalaki.
Ang Ilang mga Paborito
Istorya sa Kasulatan: Ang paborito nga kasulatan ni Eloïse mao ang Moroni 10:5 mahitungod sa Espiritu Santo. Si Maëline ganahan sa istorya mahitungod sa batang si Moises (tan-awa sa Exodo 1–2).
Mga Tradisyon sa Pamilya: Si Eloise ganahan nga motan-aw og mga sine uban sa iyang pamilya. Ug si Maëline ganahan mobisita sa France uban sa pamilya matag tuig.
Prutas: Ang ganahan nga prutas ni Eloïse mao ang mga saging. Si Maëline ganahan og mga strawberry, mga mansanas, mga raspberry, mga melon, mga blueberry.
Mga kolor: Ang paborito nga mga kolor ni Eloïse mao ang purple ug asul. Ang paborito nga kolor ni Maëline’s mao ang pink.
Mga Kanta sa Primary: Ang paborito nga kanta ni Eloïse “Mokuyog Ko ni Jesus” (Higala, Pebrero 2020, 27). Ang paborito nga kanta ni Maëline mao ang “Gusto Ko nga Makita ang Templo” (Songbook sa mga Bata, 99).
Litrato pinaagi ni Ashlee Larsen