Mga Istorya sa Kasulatan

Ang Dios Mipalingkawas ni Alma ug ni Amulek

Si Alma ug si Amulek nga nagsangyaw

Mga paghulagway pinaagi ni Andrew Bosley

Si Alma ug si Amulek miadto sa siyudad nga gitawag og Ammonihah. Sila nagtudlo sa katawhan mahitungod ni Jesukristo. Apan ang katawhan nasuko mahitungod sa unsay ilang gitudlo. Gibilanggo nila si Alma ug si Amulek.

Si Alma ug si Amulek nga gigapos sa bilanggoan

Ang katawhan mipasakit ni Alma ug ni Amulek. Nabilanggo sila sulod sa daghang mga adlaw.

Ang mga bungbong sa bilanggoan nga nangatumpag sa palibot nila ni Alma ug ni Amulek

Si Alma ug si Amulek nag-ampo ug nangayo og kalig-on. Sila adunay hugot nga pagtuo sa Dios. Siya mihatag nila og gahom nga mabugto ang mga gapos sa ilang mga kamot.

Si Alma ug si Amulek nga wala nay mga gapos nagbarog ibabaw sa mga natumpag

Dayon ang yuta miuyog. Ang mga bungbong sa bilanggoan nangatumpag! Ang Dios mitabang sa pagpalingkawas ni Alma ug ni Amulek. Mibiya sila sa Ammonihah aron motudlo sa ubang katawhan mahitungod ni Jesukristo.

Mabasa nimo kini nga istorya diha sa Alma 14:1–4, 17, ug 22–29.