“Pagtanom og mga Kahoy,” Higala, Hunyo 2024, 42.
Imong Sinulat
Pagtanom og mga Kahoy
Talofa! Kumusta!
Bag-ohay lang ang among Primary naghimo og serbisyo sa komunidad sa pagtabang sa kalikopan. Hapit wala ko makaadto tungod kay nagpuyo ko layo sa simbahan, apan mapasalamaton kaayo ko nga ang akong mga lider sa Primary mipasakay nako.
Sa dihang miabot kami sa nahimutangan sa proyekto, lapokon kini, bugnaw, ug basa. Apan wala kana makapugong kanamo! Ang matag bata gihatagan og usa ka kahoy nga itanom, ug ang among mga lider sa Primary mipakita namo kon unsaon sa pagtanom niini. Samtang nagtrabaho kami, among nakat-onan kon ngano nga importante kaayo ang mga kahoy.
Akong nakat-onan nga ang mga kahoy makatabang sa pagpanalipod sa yuta. Naghatag nato kini og mga prutas, tambal, ug tabla. Naghatag usab nato kini og oxygen nga magamit sa pagginhawa.
Ang akong mensahe ngadto sa tanan mao nga kita kinahanglang magtanom og daghan pa nga mga kahoy! Ug mangita og mga paagi aron makatabang sa pagserbisyo sa komunidad. Mapasalamaton ko alang niini nga kasinatian ug sa tanan nga natudlo niini kanako.
Paghulagway pinaagi ni Katie Rewse