Hello gikan sa Belgium!

Magkat-on mahitungod sa mga anak sa Langitnong Amahan sa tibuok kalibotan.

Ang Belgium usa ka nasod sa Europe. Sobra sa 11 ka milyon ka tawo ang nagpuyo didto!

Mga pinulongan

French nga edisyon sa Higala nga magasin

Ang opisyal nga mga pinulongan mao ang Dutch, French, ug German.

Margo: Hoe gaat het?

Paolo: Kana nagpasabot og “Kumusta ka?” sa Dutch.

Bag-ong Templo ang Umaabot

Hague Netherlands Temple

Ang siyudad sa Brussels

Niadtong 2021, si Presidente Russell M. Nelson mipahibalo nga usa ka templo ang tukoron sa ulohang siyudad sa Brussels, Belgium. Hangtod matukod na, ang mga tawo sa Belgium moadto sa Hague Netherlands Temple (gipakita sa ibabaw).

Dako nga Hagdanan

Taas nga hagdanan

Ang siyudad sa Liège adunay dako nga hagdanan nga gitawag og “Montagne de Bueren.” Kini adunay 374 ka ang-ang! Taas kaayo kini nga ang kabahin sa ngalan niini nagpasabot nga bukid. Hunahunaa nga mosaka niadto nga mga ang-ang aron makauli!

Daghan kaayo ang Tsokolate!

Tsokolate nga naglaray

Ang Belgium nailhan sa iyang tsokalate. Mga 200,000 ka tonelada sa tsokolate gihimo didto matag tuig. Sama kana sa gibug-aton sa mga 100,000 ka sakyanan!

Kalihokan

Rolle Bolle

Bata nga nagpaligid og bola

Dulaa ang bersyon niini nga dula didto sa gawas. Pangita og usa ka butang nga gamiton nga target ug usa ka gamay nga bola alang sa matag magdudula. Ibutang ang target diha sa yuta sa layo ug bahina ang mga magdudula ngadto sa duha ka grupo. Ang mga grupo magpulipuli sa pagpaligid sa bola ngadto sa target. Ang mga magdudula makasulay usab sa pagpalagpot sa mga bola sa laing grupo gikan sa target. Ang dula matapos human ang matag magdudula nakahimo na sa iyang turno. Ang grupo nga adunay labing duol nga bola ngadto sa target ang modaog!

Risipi

Waterzooi

Puti nga linat-ang manok ug mga karot

Mao kini ang tradisyonal nga linat-an gikan sa Belgium. Ania ang usa ka bersyon nga mahimo ninyong sulayan!

1. Paglanay og 2 ka kutsara nga mantekilya diha sa kaldero. Lutoa ang 1 ka gihiwa nga bombay, 2 ka gihiwa nga dagko nga karot, ug 2 ka gihiwa nga uhot sa kintsay sulod sa 10 ka minuto. Idugang ang sabaw sa manok aron matabonan ang mga utanon ug pabukala.

2. Dugangi og 2 ka libra (1 ka kilo) nga gitadtad nga manok ug taboni sulod sa 20 ka minuto.

3. Sa usa ka lahi nga panaksan, pagbatil og 1 ka tasa nga krima, 2 ka kutsara sa harina, ug 1 pughak sa itlog. Ukaya diha sa kaldero. Dugangi og dugang sabaw kon gikinahanglan.

4. Lutoa sulod sa 2 pa ka minuto sa hinay, nga dili pabukalon ang kaldero.

Seguroha nga makapangayo og tabang sa usa ka hamtong!

Istorya nga naa sa PDF

Mga paghulagway pinaagi ni Chrisanne Serafin