“Unsay Bation sa sulod sa Templo?” Higala, Hunyo 2024, 22.
Mga Kard sa Templo
Unsay Bation sa sulod sa Templo?
Mga paghulagway pinaagi ni Rachel Erickson
Sa sulod sa templo mao ang hilom, malinawon nga dapit. Sa palibot mao ang maanindot nga mga painting ug mga dapit nga mahimong kalingkoran ug mobati sa Espiritu Santo. Adunay mga lawak alang sa lain-laing mga bahin sa pagsimba sa templo, sama sa lawak nga adunay bunyaganan ug mga lawak alang sa mga pamilya nga iselyo. Ang mga propeta misaad nga kita mobati sa gugma sa Manluluwas sa sulod sa Iyang balaan nga mga templo.
Hague Netherlands Temple
-
Kini ang unang templo nga gitukod sa Netherlands.
-
Adunay mga bahin sa Netherlands nga mas ubos kay sa dagat palibot sa nasod. Kini nagpasabot nga ang templo gitukod 3 ka pye (1 m) ubos sa lebel sa dagat.
-
Gitukod kini sa siyudad sa Zoetermeer, nga nagpasabot nga “matam-is nga linaw.”
Aba Nigeria Temple
-
Kini ang ikatulo nga templo nga gitukod sa Africa.
-
Usa ka taytayan ang gibuhat tabok sa Suba sa Ogbor aron makatabang sa mga tawo nga makaadto sa templo.
-
Sa adlaw sa wala pa ang pagpahinungod, ang mga miyembro sa Simbahan nagsaulog pinaagi sa pagsayaw ug pagkanta.