“Ko Hono Tokoniʻi ʻo Kinautolu ʻOku Faingataʻaʻiá,” Ko e Kaumeʻá, Sune 2024, 2–3.
Mei he Kau Palesitenisī ʻUluakí
Ko Hono Tokoniʻi ʻo Kinautolu ʻOku Faingataʻaʻiá
Naʻe toʻo mei he “Ko Hono Tokoniʻi ʻo e Masivá mo e Faingataʻaʻiá,” Liahona, Nōvema 2022, 6–8.
ʻOku tukupā ʻa e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ke tokoniʻi ʻa kinautolu ʻoku faingataʻaʻiá. ʻOku ngāue ia mo ha kakai tokolahi ke fakahoko ʻeni. ʻOku ueʻi ʻa e fānau kotoa pē ʻa e ʻOtuá ke nau fetokoniʻaki ʻi he lelei taha te nau lavá.
Ko ha sīpinga lelei ʻo e ngāue tokoní ko ha tangata ko Brother Kepaleli Naʻá ne mamata ki he tokolahi ʻo e fānau ʻi ʻAfilika Hahaké naʻa nau fiemaʻu tokoni. Naʻá ne kole ki he kau faiako kehé ke nau tokoni ange ʻi hono faʻu ʻa e meʻa naʻa nau ui ko e “ngaahi ʻapiako ʻi he lalo ʻakaú.” Naʻe omi ʻa e fānaú ke fakahoko ha ngaahi lēsoni ʻi he malumalu ʻo ha fuʻu ʻakau. Naʻe ʻikai tatali ʻa Brother Kepaleli ke fai ʻe he niʻihi kehé ha meʻa. Naʻá ne fai ʻa e meʻa naʻá ne lavá ke tokoniʻi ha fānau ʻe lauiafe ke nau ako.
ʻOku ou fakamoʻoni kia Sīsū Kalaisi. ʻOku tataki kitautolu kotoa ʻe Heʻene māmá mo e Laumālié ʻi hono tokoniʻi ʻo e niʻihi kehe ʻi he funga ʻo e māmaní.
Kumi Koloa Fufū Ngāue Tokoní
Te ke lava ʻo fakahoko ha lelei ʻo hangē ko Brother Kepalelí! Fai ʻa e lahi taha te ke lavá ʻi he ngaahi ʻekitivitī ʻi laló. Te ke lava nai ʻo fakahoko kotoa ʻa e 10?
-
Fakamaau ha feituʻu maʻa ha taha.
-
ʻOange ki ha taha ha meʻaʻofa naʻe ngaohi ʻi ʻapi.
-
Tuku ha kiʻi tohi ʻofa ʻi ha feituʻu ʻe maʻu ai ia ʻe ha taha.
-
Fakafeohi ki ha kaungāmeʻa foʻou.
-
Telefoni pe ʻaʻahi ki ha taha ʻoku tuenoa.
-
ʻOange ki ha taha ha kiʻi tohi fakamālō.
-
Tufi hake ha meʻi veve ʻe nima.
-
Fehuʻi ki ha kaungāʻapi pe te ke tokoniʻi fēfē nai kinautolu. Fai leva ia!
-
Vahevahe ha meʻa (hangē ko e meʻakai pe meʻavaʻinga) mo ha taha.
-
Malimali ki ha taha pea lea mālō e lelei ki ai!
ʻŪ tā fakatātā ʻa Shawna J. C. Tenney