“Ko Hono Tō ʻa e ʻUluʻakaú,” Ko e Kaumeʻá, Sune 2024, 42.
Tohi ʻe Koe
Ko Hono Tō ʻa e ʻUluʻakaú
Talofa! Mālō e lelei!
Naʻe toki fakahoko ʻe heʻemau Palaimelí kimuí ni ha ngāue tokoni fakakolo ke tokoni ki he ʻātakaí. Naʻe ʻikai ke u mei lava ʻo ʻalu koeʻuhí he ʻoku ou nofo mamaʻo mei he ʻapi siasí, ka ʻoku ou houngaʻia ʻaupito ʻi he lava ke tokoniʻi au ʻe he kau taki ʻo e Palaimelí ke ʻi ai ha meʻalele ke u heka aí.
ʻI heʻemau aʻu atu ki he feituʻu naʻe fai ai ʻa e ngāué, naʻe pelepela, momoko, pea viviku. Ka naʻe ʻikai ko ha meʻa ia ke ne taʻofi ai kimautolu. Naʻe ʻoange ki he fānaú takitaha ha fuʻu ʻakau ʻe taha ke tō, pea naʻe fakahinohino mai ʻe heʻemau kau taki ʻo e Palaimelí ʻa e founga ke tō ai kinautolú. ʻI heʻemau ngāué, naʻa mau ʻiloʻi ai ʻa e ʻuhinga ʻoku fuʻu mahuʻinga ai ʻa e ʻuluʻakaú.
Naʻá ku ʻiloʻi ai ʻoku tokoni ʻa e ʻuluʻakaú ke maluʻi ʻa e māmaní. ʻOku nau ʻomi ʻa e fuaʻiʻakaú, faitoʻó, mo e papá. ʻOku nau toe ʻomi foki ha ʻosikena ke tau mānava ai.
Ko ʻeku pōpoaki ki he tokotaha kotoa pē ʻoku totonu ke tau tō ha ʻuluʻakau lahi ange! Pea kumi ha ngaahi founga ke tokoni ai ʻi he koló. ʻOku ou houngaʻia ʻi he aʻusia ko ʻení pea mo e meʻa kotoa naʻá ne akoʻi maí.
Tā fakatātā ʻa Katie Rewse