“Ko Hai ʻa e Ngaahi Foha ʻo Mōsaiá?” Ko e Kaumeʻá, Sune 2024, 24–25.
Ako fekauʻaki mo e Tohi ʻa Molomoná
Ko Hai ʻa e Ngaahi Foha ʻo Mōsaiá?
Ko Mōsaiá ko ha palōfita ia ʻa e ʻOtuá mo ha tuʻi angatonu. Ko hono ngaahi fohá ko ʻĀmoni, ʻĒlone, ʻAmenai, mo Himinai. ʻI heʻenau kei talavoú, naʻa nau taki ʻa e kakaí ke mavahe mei he Siasi ʻo Sīsū Kalaisí.
Naʻe ʻaʻahi ange ha ʻāngelo kiate kinautolu. Naʻá ne tala kiate kinautolu ke nau fakatomala. Naʻe fakatomala ʻa e ngaahi foha ʻo Mōsaiá pea nau fili ke muimui ki he Fakamoʻuí. Naʻa nau ngāue fakafaifekau kotoa mo akoʻi ha niʻihi kehe fekauʻaki mo Sīsū Kalaisi.
Naʻa nau akoʻi ʻa e ongoongoleleí ki he kau Leimaná. Naʻe fanongo pea papitaiso ha niʻihi ʻo e kakaí. Naʻe ʻikai fanongo ha niʻihi. Ka naʻe ʻikai foʻi ai ʻa e ngaahi foha ʻo Mōsaiá. Naʻe tokoniʻi kinautolu ʻe he ʻOtuá.
Tukupā ʻo e Folofolá
-
Ko hai naʻá ne fekauʻi mai ʻa e ʻāngelo naʻe hā kia ʻAlamā ko e Siʻí? (Mōsaia 27:15)
-
Ko hai naʻe hā kia ʻAmuleki ʻo talaange ke ne fafanga ʻa ʻAlamaá? (ʻAlamā 10:7)
-
Hili hono fakamoʻui ʻa Sisolomé, ko e hā ʻa e meʻa naʻá ne faí? (ʻAlamā 15 12)
ʻOku Ou Lava ʻo Lau ʻa e Tohi ʻa Molomoná!
Hili hoʻo laú, valivali ha konga ʻo e fakatātaá. Te ke lava ʻo lau ʻa e ngaahi potufolofola ko ʻeni ʻoku fekauʻaki mo e laukonga ʻo e uike takitaha mei he Haʻu, ʻo Muimui ʻIate Aú.
-
Uike 1: Mōsaia 26:22
-
Uike 2: Mōsaia 29:43
-
Uike 3: ʻAlamā 5:48
-
Uike 4: ʻAlamā 12:33–34
-
Uike 5: ʻAlamā 13:28–29
Tā fakatātā ʻa Audrey Day