“ʻOku Fakatauʻatāinaʻi ʻe he ʻOtuá ʻa ʻAlamā mo ʻAmuleki,” Ko e Kaumeʻá, Sune 2024, 26–27.
Ngaahi Talanoa mei he Folofolá
ʻOku Fakatauʻatāinaʻi ʻe he ʻOtuá ʻa ʻAlamā mo ʻAmuleki
Tā fakatātā ʻa Andrew Bosley
Naʻe ʻalu ʻa ʻAlamā mo ʻAmuleki ki ha kolo naʻe ui ko ʻAmonaihā. Naʻá na akoʻi ʻa e kakaí fekauʻaki mo Sīsū Kalaisi. Ka naʻe ʻita ʻa e kakaí ʻi he meʻa naʻá na akoʻí. Naʻa nau fakahū ʻa ‘Alamā mo ‘Amuleki ki he fale fakapōpulá.
Naʻe fakamamahiʻi ʻe he kakaí ʻa ʻAlamā mo ʻAmuleki. Naʻá na nofo pōpula ʻi ha ngaahi ʻaho lahi.
Naʻe lotu ʻa ʻAlamā mo ʻAmuleki mo kole ha mālohi. Naʻá na tui ki he ʻOtuá. Naʻá Ne ʻoange kiate kinaua ʻa e mālohi ke motuhi ʻa e maea ʻi hona fasiʻanimá.
Naʻe ngalulululu ʻa e māmaní. Naʻe holo ʻa e ngaahi holisi ʻo e fale fakapōpulá! Naʻe tokoniʻi ʻe he ʻOtuá ʻa ʻAlamā mo ʻAmuleki ke na tauʻatāina. Naʻá na mavahe mei ʻAmonaihā ke akoʻi ha kakai kehe fekauʻaki mo Sīsū Kalaisi.