“Ko e Muimui kia Sīsū ʻi Pelisiumé,” Ko e Kaumeʻá, Sune 2024, 6–7.
Ko e Muimui kia Sīsū ʻi Pelisiumé
Feʻiloaki mo ʻIloise mo Meilini!
Ko e Founga ʻoku Muimui ai ʻa ʻIloise mo Meilini kia Sīsuú
ʻOku muimui ʻa ʻIloise kia Sīsū Kalaisi ʻaki ʻene lotua ha fakafiemālie. Naʻe toki mālōlō ʻena kui tangatá kimuí ni mai. Naʻá ne loto-mamahi ʻaupito ai. Ka naʻe tokoniʻi ia ʻe heʻene talanoa ki hono ngaahi kaungāmeʻá, fāmilí, mo e Tamai Hēvaní ke siʻisiʻi ange ʻene ongoʻi taʻelatá. ʻOkú ne pehē, “ʻOku ou ʻilo kapau ʻoku ou fie talanoa ki he Tamai Hēvaní, te u lava ʻo lotu pea ʻokú Ne fanongo mai kiate au.”
ʻOku muimui ʻa Meilini ki he Fakamoʻuí ʻaki ʻene vahevahe ʻene fakamoʻoní mo hono ngaahi kaungāmeʻá. ʻI he taimi naʻe ako ai ʻe hono fāmilí ʻa e folofolá, naʻá ne ako ai ki he founga naʻe ongoʻi ai ʻe Sīsū Kalaisi ʻa e mamahi mei he tokotaha kotoa pē lolotonga ʻEne ʻi Ketisemaní. Naʻá ne fie vahevahe ʻene fakamoʻoni kiate Iá mo hono kaungāmeʻá. ʻOku pehē ʻe Meilini, “Naʻá ku talaange ki hoku kaungāmeʻá ko e taimi ʻokú ne mamahi aí, ʻe lava ʻa Sīsū ʻo tokoniʻi ia.”
Fekauʻaki mo ʻIloise mo Meilini
Taʻu Motuʻá: 10 mo e 7
Mei: Hainautu, Pelisiume
Ngaahi Lea Fakafonuá: Faka-Falanisē mo e Faka-Hōlani
Taumuʻa: ʻOku fiemaʻu ʻe ʻIloise ke hoko ko ha tokotaha ke ne tokangaʻi ha pēpē. ʻOku fiemaʻu ʻe Meilini ke ne hoko ko ha tokotaha hiva mo lelei ange ʻi he tā fakatātaá.
Ngaahi Meʻa ʻOkú na Manako Aí: ʻOku saiʻia ʻa ʻIloise ʻi he sipotí mo e lele mo ʻene fineʻeikí. ʻOku saiʻia ʻa Meilini ʻi he tā fakatātaá, hulohulá, hivá, feimeʻatokoní, mo e ʻuma mo fāʻofua [ki ha tahá].
Fāmili: ʻIloise, Meilini, Mami, Teti, mo e tuongaʻane ʻe taha.
Ngaahi Meʻa ʻOku Nau Saiʻia Taha Aí
Talanoa Mei he Folofolá: Ko e potufolofola ʻoku manako taha ai ʻa ʻIloisé ko e Molonai 10:5 ʻoku fekauʻaki ia mo e Laumālie Māʻoniʻoní. ʻOku saiʻia ʻa Meilini ʻi he talanoa fekauʻaki mo e pēpē ko Mōsesé (vakai, ʻEkesōtosi 1–2).
Ngaahi Tukufakaholo Fakafāmilí: ʻOku saiʻia ʻa ʻIloise ʻi he sio faiva mo hono fāmilí. Pea ʻoku saiʻia ʻa Meilini ke ʻaʻahi ki Falanisē mo e fāmilí ʻi he taʻu kotoa pē.
Fuaʻiʻakau: Ko e fuaʻiʻakau ʻoku saiʻia taha ai ʻa ʻIloisé ko e siainé. ʻOku saiʻia ʻa Meilini ʻi he situloapeulí, ʻāpelé, lasipelí, melení, fuamelié.
Ngaahi Lanú: Ko e lanu ʻoku saiʻia taha ai ʻa ʻIloisé ko e lanu vāletí mo lanu puluú. ʻOku saiʻia taha ʻa Meilini ʻi he lanu pingikií.
Ngaahi Hiva Palaimelí: Ko e hiva ʻoku saiʻia taha ai ʻa ʻIloisé ko e “ʻAʻeva Mo Sīsū (I Will Walk with Jesus)” (Ko e Kaumeʻá, Fēpueli 2020, 27). Ko e hiva ʻoku saiʻia taha ai ʻa Meiliní ko e “Fie Siofia Ha Temipalé” (Tohi Hiva ʻa e Fānaú, 99).
ʻŪ laʻitā ʻa Ashlee Larsen