ʻOku ou saiʻia ke lotu. ʻOku ou ongoʻi malu ʻi heʻeku lotú. Kimuʻa peá u papitaisó, naʻá ku lotua ke ʻiloʻi pe ʻoku moʻoni ʻa Sīsū, pea ko ʻeku talí ko e ʻIO! Naʻe tokoni ʻeku talí ke u ʻiloʻi ko e fili totonú ʻa e papitaisó.
ʻOku ou saiʻia ke hiva mo e kuaea fakasiteikí. ʻI he taimi ʻoku ou hiva fakataha ai mo kinautolú, ʻoku ou ongoʻi hangē ʻoku ou akoʻi ʻa e ongoongoleleí ʻi he mūsiká.
Damaris G., taʻu 10, Halisikou, Mekisikou
ʻĪmisi
Taʻahine ʻoku malimali
ʻOku ou saiʻia ke vahevahe ʻeku fakamoʻoní pea naʻe kole mai ke u vahevahe ia ʻi he konifelenisi fakasiteikí. ʻOku ou ʻilo ʻoku ʻofa ʻa Sīsū Kalaisi ʻiate au!
Naʻá ku fie ʻilo pe naʻe ʻi ai haʻaku fakamoʻoni. Naʻe ʻeke mai ʻe heʻeku faʻeé pe ʻoku ou tui kia Sīsū, pe ʻoku ou tui naʻe hoko ʻa Siosefa Sāmita ko ha palōfita, pea kapau ʻoku ou tui ʻoku moʻoni ʻa e Siasí. Naʻá ku talaange ʻio! Naʻe talamai ʻe heʻeku faʻeé ʻoku ʻuhinga ia naʻe ʻi ai ʻeku fakamoʻoni. ʻOku ou houngaʻia ʻaupito ʻi heʻeku maʻu ha fakamoʻoni pē ʻaʻakú.
Matthew G., taʻu 8, Mīsuli, ʻIunaiteti Siteiti ʻo ʻAmeliká
ʻĪmisi
Tamasiʻi ʻoku malimali
ʻOku ou ʻalu ki he lotú mo ako ʻa e Haʻu, ʻo Muimui ʻIate Aú mo hoku fāmilí.
Elkan B., taʻu 9, Vahefonua Nailopi Siti, Keniā
ʻĪmisi
Taʻahine ʻoku malimali
Naʻá ku ako fekauʻaki mo e ʻofa faka-Kalaisí mei heʻeku faʻeé. ʻOku ʻuhinga ʻa e ʻofa faka-Kalaisí ki heʻetau feʻofaʻakí. ʻOku ou maʻu ʻa e ʻofa faka-Kalaisí ʻi he taimi ʻoku ou tokoni ai ki hoku ngaahi kaungāakó.