“Mālō e Lelei mei Pelisiume!” Ko e Kaumeʻá, Sune 2024, 8–9.
Mālō e Lelei mei Pelisiume!
Ako fekauʻaki mo e fānau ʻa e Tamai Hēvaní ʻi he funga ʻo e māmaní kotoa.
Ko Pelisiumé ko ha fonua ia ʻi ʻIulope. ʻOku laka hake ʻi he kakai ʻe toko 11 miliona ʻoku nofo ʻi aí!
Ngaahi Lea Fakafonuá
Ko e ngaahi lea fakafonua totonú ko e lea faka-Hōlani, faka-Falanisē, mo e faka-Siamane.
ʻE Langa ʻa e Temipale Foʻou
ʻI he 2021, naʻe fanongonongo ai ʻe Palesiteni Lāsolo M. Nalesoni ʻe langa ha temipale ʻi Palāsolo, ko e kolomuʻa ʻo Pelisiumé. ʻOku ʻalu ʻa e kakai ʻi Pelisiumé ki he Temipale Heiki Netalení (ʻoku hā atu ʻi ʻolungá) kae ʻoua kuo langa ia.
Sitepu Lahi
ʻOku ʻi ai ha sitepu lahi ʻi he kolo ko Lisí ʻoku ui ko e “Montagne de Bueren.” ʻOku ʻi ai ha ngaahi sitepu ʻe 374! ʻOku fuʻu māʻolunga pea ʻoku ʻuhinga ʻa e konga hono hingoá ki he moʻungá. Fakakaukauloto ʻokú ke lue ʻi he sitepu ko iá ke aʻu ki ʻapi!
Lahi ʻa e Sokoletí!
ʻOku ʻiloa ʻa Pelisiume ʻi hono sokoletí. ʻOku fakafuofua ki ha toni sokoleti ʻe 200,000 nai ʻoku ngaohi ʻi ai ʻi he taʻu takitaha. ʻOku tatau pē ia mo e mamafa ʻo ha ngaahi kā ʻe 100,000!
Ngaahi tā fakatātā ‘a Chrisanne Serafin