“ʻOku Anga Fēfē Nai ʻa e Loto Temipalé?” Ko e Kaumeʻá, Sune 2024, 22.
Ngaahi Kaati Temipalé
ʻOku Anga Fēfē Nai ʻa e Loto Temipalé?
ʻŪ tā fakatātā ʻa Rachel Erickson
ʻI lotó, ko e temipalé ko ha feituʻu lōngonoa mo nonga. ʻOku takatakai kotoa ʻi ai ha ngaahi tā valivali mo ha ngaahi feituʻu fakaʻofoʻofa ke tangutu ai ʻo ongoʻi ʻa e Laumālie Māʻoniʻoní. ʻOku ʻi ai ha ngaahi loki ki he ngaahi konga kehekehe ʻo e lotu ʻi he temipalé, hangē ko ha loki ʻoku ʻi ai ha faiʻanga papitaiso mo ha ngaahi loki ke silaʻi fakataha ai ʻa e ngaahi fāmilí. Kuo palōmesi mai ʻa e kau palōfitá te tau lava ʻo ongoʻi ʻa e ʻofa ʻa e Fakamoʻuí ʻi loto ʻi Hono ngaahi temipale māʻoniʻoní.
Temipale Hague Netherlands
-
Ko e fuofua temipale ʻeni naʻe langa ʻi Netalení.
-
ʻOku maʻulalo ange ʻa e ngaahi konga ʻo Netalení ʻi he tahi takatakai ʻi he fonuá. ʻOku ʻuhinga ʻeni ʻoku langa ʻa e temipalé ʻi ha fute ʻe 3 (mita ʻe 1) ʻi lalo he lēvolo ʻo e tahí.
-
Naʻe langa ia ʻi he kolo ko Souetameá, ʻa ia ʻoku ʻuhinga ko e “anovai melie.”
Temipale Aba Nigeria
-
Ko e temipale ʻeni hono tolu naʻe langa ʻi ʻAfiliká.
-
Naʻe langa ha hala fakakavakava ʻi he Vaitafe ʻOkipoló ke tokoniʻi ʻa e kakaí ke nau aʻu ki he temipalé.
-
ʻI he ʻaho kimuʻa ʻi hono fakatapuí, naʻe fakafiefiaʻi ʻe he kāingalotu ʻo e Siasí ʻaki ʻa e hulohula mo e hiva.