“Taeka ni Kaukuki,” Ibukin Kakorakoraia Kairake, Meei 2021.
Te Tetere ni Moaningabongin te Kaonobong
Taeka ni Butimwaai
Anaaki
Tariu ao mwaaneu aika tangiraki ao raora ni mwakoron nako te aonaaba, I anga bwaanau ni butimwaai nakoimi nakon te maungatabu ni kabuta aei. …
Te ririki ae nako e a tia n riki bwa kanoan te rongorongo. Akea te nanokokoraki bwa tia tia ni bane n reiakin baike ti aki atai mai imwaaina. Tabeua reirei ake I atai mai mwaina a tia ni korobokiaki i nanou ni kawai aika boou.
N aron te katooto, I ataia n akea te nanokokoraki bwa bon te Uea ae kaira aron waakin Ana Ekaretia. …
E mataata riki irou ngkai nanon Ana taeka ae kangai, “Noria, N na kawaekoa au mwakuri n oin au tai.”[Reirei ao Berita aika Tabu 88:73]. …
… I nanon te ririki ae nako, e mwaiti mai iroumi ae e a korakora riki aron kamatebwaian te euangkerio ni mwengami. I karabwai ngkami, ao a na karabwai ngkami natimi. …
Mwakoron ikotakia Iteraera, ao ae e rangi ni kakaawaki, bon te mwioko nakoira ngaira aomata bwa ti na tau ao n tauraoi ni buoka katauraoan te aonaaba imwain Manga Okin te Uea.
Ngkai ti ongora nakon marooro ake a tia ni katauraoaki irouia ara taan kairiiri iaan ana kairi te Tamnei ae Raoiroi, I kaoi ngkami bwa kam na tataro n atai bwaai aika bareka ake kam riai ni kamwawai man maiumi bwa kam aonga riki n tau.
… I butimwaai ngkami nakon te maungatabu ni kabuta ao te tai ae onoti n ongora bwanaan te Uea.