“Iesu Kristo: Te Tia Tararua Tamneira,” Ibukin Kakorakoraia Kairake, Meei 2021.
Te Tetere ni Moaningabongin te Tabati
Iesu Kristo: Te Tia Tararua Tamneira
Anaaki
E kukurei nanou ngkai I iangoa te mwakuri ae te kabanea ni mimitong, te kabanea n rietata, ae akea tiana are e riki n rongorongon te aonaba—ana mwakuri ni kamaiu ara Uea, Iesu Kristo. …
Kristo e karaoa nanon Tamana rinanon ana anga karea n nanoanga ae akea tiana. E tokanikai iaon kamarakin te mate n rabwata ao n tamnei, are e roko n te aonaba man te Bwaka, ao e anganira te kona ni karekea te kamaiuaki ae akea tokina. …
E boni ngae ngke e a tia te Tia Kamaiu ni kanakoa korakoran te mate n rabwata rinanon ana karea, E aki kanakoa oin tabera n raira n nano ibukin riaoan tuua ake ti karaoi. …
Raoraou aika tangiraki, I kaota au koaua nakoimi bwa ngkana ti raira raoi nanora man ara bure,ti kariaia ana mwakuri ni kamaiu Kristo bwa e na mwakuri i nanon maiura. …
Irarikin are katauraoan te bwaintangira ae mimitong ibukin te kamaiuaki, E anga naba te Tia Kamaiu te kabebeteaki ao te rau ngkai ti kaitarai karawaawata, kataaki, ao mamaarara n te maiu aei, n ikotaki ma bwai ake a riki nakoira n te buti n aoraki ae ti taonaki iai. …
Ngkai ti kaanira ma Ngaia, n anga ngaira nakon Ana tararua, ti na boni kona ni katokaa i aora amona, are e aoraoi, ao Rawatana, e bebete, n te aro are ti a karekea te karaunano ma te motirawa are e beritanaki. Irarikina, ti na karekea te korakora are ti bane ni kainnanoia n tokanikai iaon kangaanga, mamaara, ao rawaawatan te maiu aei, are e na bon rang matoatoa ngke arona bwa akea Ana ibuobuoki ke mwaakana ni kamaiu.