“E a Uti Kristo; A na Mwaing Maunga man te Onimaki Irouna,” Ibukin Kakorakoraia Kairake, Meei 2021.
Te Tetere ni Moaningabongin te Tabati
E a Uti Kristo; A na Mwaing Maunga man te Onimaki Irouna
Anaaki
Onimakinan Iesu Kristo bon aan ni kabane koaua ao karekean te mwaaka ae rietata. …
Bwaai aika tamaroa n te maiu aei—kakabwaia aika kakaawaki ake a kona n reke—a moanaki n te onimaki. Karikan te Atua bwa moan maiura e moanaki n te onimaki bwa E tauraoi ni kairiira. …
Tariu ao mwaaneu aika tangiraki, au mwioko nakoimi n ingabongin te Itita aei bon waaki ngkai ni karikirakea ami onimaki. Rinanon ami onimaki, e na karikirakea ami konabwai Iesu Kristo ni kamwaingi maunga ake inanon maiumi. …
Ami kangaanga tao te maroa, nanokokoraki, aoraki, ke tabeua riki. E kakaokoro ami kangaanga, ma kaekan aikai ni bane bon karikirakean ami onimaki. …
… N na anga nimaua kawai ni buoki ngkami ni karikirakea te onimaki ma kantaninga.
Te moan, kamatebwai. …
Te kauoua, rineia bwa ko na kakoaua Iesu Kristo. …
Te kateniua, mwakuri i nanon te onimaki. …
Te kaaua, karaoi otenanti aika tabu ma te kororaoi. …
Ao te kanimaua, butiia Tamam are i Karawa, n aran Iesu Kristo, bwa e na buokiko. …
Onimakin Iesu Kristo bon te kabanea n rietaata ni mwaaka are tauraoi ibukira n te maiu aei. A kona ni karaoaki bwaai nako nakoia ake a kakoaua [taraa Mareko 9:23].
Ami onimaki ae rikirake irouna e na kamwaing maunga—tiaki maunga ake a katamaroa te aonaaba—ma maunga aika karawawata maiumi. Ami onimaki ae marurung e na buokiko n rairi kakaewenako nakon waaki n rikirake.
N Tabatin te Itita aei, ma au tangira ao au kaitau ae bati, I kaota au koaua bwa E a bon tia n uti Iesu Kristo. E uti bwa e na kaira Ana Ekaretia. E a uti bwa e na kakabwaiaia natin te Atua ni kabane, n taabo nako ake a maeka iai. N ara onimaki irouna, ti kona ni kamwaing maunga ake i nanon maiura.