I Tangiria n Noora te Tembora,” Ibukin Kakorakoraia Kairake, Meei 2021.
Te Tetere ni Moaningabongin te Kaonobong
I Tangiria n Noora te Tembora
Anaaki
Durban Aberika Maiaki Tembora
I ataia bwa ana tembora te Uea bon te tabo ae tabu. Au kantaninga n te bong aei n taekinan te tembora bwa kam na karikirakea nanomi ao ami iango bwa e na tau ao n tauraoi ibukin rikiraken tibwanga ibukin taneiai n te tembora ake a na roko nakoira. …
Ngkana ngkoe ke ngai ti nakon te tembora n aki itiaki, tina bon aki kona n nooria, man mwaakan te Tamnei ae Raoiroi, te reirei n tamnei iaon te Tia Kamaiu are ti kona ni karekea n te tembora.
Ngkana ti tau ni karekei aekakin reirei akanne, a kona n rikirake rinanona ara taneiai n ara kantaninga ibukin te tembora, kimwareirei, ao te aki nanokokoraki inanon maiura. Te kantaninga anne, kimwareirei ao te aki nanokokoraki a tatauraoi ti rinanon otenanti ake a karaoaki inanon taian tembora aika tabu. Bon inanon te tembora are ti kona ni karekea iai te kakoaua n reitakin te utu are e na reitinako imwiin te mate ao n teimatoa n aki toki. …
Ao ti ataia bwa kukureira n aki toki e irekereke ma karaoan ara kabanea n tamaroa n anga te kakukkurei ae akea tokina nakoia ara koraki aika a mwaiti n aron are ti konaa.
I namakina te nano naba anne n tokanikai ni kaoakiia kain te utu aika a maiu n riki n tau ni karekea ao ni karinea te otenanti ni kabaebae n te tembora. Anne mwakoron te berita n ikotakiia Iteraera n te kabanea ni bong n iteran te rabuna aika uoua.