“Nooria! Ngai Atuan taian Kakai,” Ibukin Kakorakoraia Kairake, Meei 2021.
Te Tetere ni Bwakantain te Tabati
“Nooria! Boni Ngai Atuan Taian Kakai”
Anaaki
Taian kakai, kanikina, ao kamiimi a kaoti ibuakoia taan iriira Iesu Kristo n taai aikai, i nanon maiumi ao ni maiu. Taian kakai bon mwakuri aika tabu, kanikinaean ao kaotan mwaakan te Atua ae akea tiana, ao te kakoaua bwa Ngaia “bon titebo ngkoananoa, ngkai, ao n aki toki” [Moronaai 10:19]. Iesu Kristo, are bong ngaia ae karika taari, e kona n raoi irouna; Teuare e anga te noraba nakoia mataki e kona ni kaira ara taratara nako karawa; Teuare e kaitiakiia rebera e kona ni katoki aorakira; Teuare e kamaiua te aomata are e aki konamaki e kona ni weteira bwa ti na teirake n ana taeka ae “Nakomai, iriirai” [Ruka 18:22].
E mwaiti iroumi ae a tia n noori kakai, riaon are kam kantaningai. Tao a na bae n taraa n uarereke ngkana a kabotauaki ma kateirakean te mate iroun Iesu. Ma buburana e aki kaokoroa te kakai, bwa e roko tii mairoun te Atua. …
Iai taai are ti kataninga te kakai bwa e na kamaiuaki temanna ae ti tangiria ni kaitara te mwakuri ae aki riai, ke nakon kamaraua nanon ane e korakai man tiotionako. Ngkana ti tarai bwaai ni matara n aomata, ti tangiria bwa e na rinnako te Uea, ni karaoa te uruaki. Man n te onimaki, e na kaoti te kakai, e ngae ngke tao tiaki n te tai ke te kaeka are ti tangiria. …
E a tia te Uea ni kauringira, “Ao tiaki naba arou nako aromi nako” [Itaia 55:8]. E taku, “Nakomai nakoiu, ngkami ake kam kua ao kam rawawata, ao N na motiki rawami” [Mataio 11:28]—motirawa man te nanououa, bwarannano, maaku, aki ongotaeka, tabeaianga ibukin tangiraia rao, ibukin buaia ke mii aika aki koronanoia. Te rau ibuakon te mangaongao ao te rawaawata bon te kakai.