“A na Botaki Nanoia n te Nano ae tii Teuana” Ibukin Kakorakoraia Kairake, Meei 2021.
Tetere
A na Botaki Nanoia n te Nano ae tii Teuana
Anaaki
Ngke e titirakinaki, “Te Tia Reirei, tera te tua ae korakora ibuakon taian tua?” te Tia Kamaiu e kaeka “tangira Iehova ae Atuam ma nanom ni kabane,” n rimwiiaki ma, “Ko na tangira raom n aron tangiram ibon iroum” [Mataio 22:36–39]. Ana kaeka te Tia Kamaiu e kamatoai ara beku mai karawa. A tua burabeti ake ngkoa bwa “e riai n akea te itabaraara imarenara, ma [ti] riai ni waaki nako … bwa [ana] botaki nanora n te nano ae ti teuana inanon te tangira imarenara” [Motiaea 18:21, e kairaki ma katuruturuana]. …
Ngkai, ibukiia ataeinimwaane ao ataeinnaine, ngkai kam ikawairake, bwainingarean temanna e na kona ni karekea te kangaanga. Te raraoma, rawawata n nano, ao ae buakaka riki te aki toki ni kakanunuun nakon temanna. …
E mataata, teuare e buakaka e kabongana aei ni kammarakiia am roro. E aki riai n riki aei n te intanete , irouia kaain rarikim, reirei, kooram, ke taian kiraati. Taiaoka kabanea am konaa ni karikii taabo aikai bwa taabo n akoi ao ni kamanomano. …
Ngkai ko reitaki ma aomata inanon te akoi, mwamwannano, ao te nanoanga, ao tao iaon te intanete, I berita bwa kam na kakorakoraia aika bwara n nano ao ni kamarurungi nanoia. …
Tia bane ngaira n tatabemaniira nako, bwa tao rorora ngaira, ni karaoa te kabanea n tamaroa.
Ngkai ko kataia ni kaotiko bwa ko tatangira, karinerine, ao n akoi, ko na bon rootaki n te maraki ke n rootaki n ae aki tamaroa man aia rinerine tabeman ae buakaka. Tera ae ti na karaoia ngkanne? Ti ira ana kauring te Uea n “tangiria ami kairiribai … ao tataro ibukia akana a bukiningkami” [Ruka 6:27–28].
Ngkana te kakaitara ao te kangaanga a roko iaora man te mwakuri ae akiako, kairiribai, ke naano ae buakaka, ti kona n rinea te kantaninga inanon Kristo. Te kantaninga aei e roko man Ana kakao ao e berita “kukurei, bwa N na kaiririko i nanon kawaim” [Reirei ao Berita aika Tabu 78:18] ao e na onea karawawatam nakon taian kakabwaia ibukim [taraa 2 Nibwaai 2:2].