“Ti Kakabwaiaki n Arana,” Ibukin Kakorakoraia Kairake, Meei 2021.
Te Tetere n te Nakoanibonga
Ti Kakabwaiaki n Arana
Anaaki
Oin karekean te nakoanibonga bon anganakira te kona ni kakabwaiaia aomata ibukin te Uea, ni karaoa aei n Arana.
E reke mataatau iaon mwakurian aei tabeua te ririki imwin rikiu bwa te riikan. N aron te katooto, ngke I a riki bwa te ibonga ae rietaata, I mwiokoaki bwa N na ninikira te toa n aia tabo kaara. I tuangaki bwa N na kabuta te toa. I aikoa iangoa waakin ao barongaan kabutan te toa, ma I tarai moaia kaara aikai n tatabemaniia. I nooria aika mwaiti n tang. Temanna te unaine e taua bain au kabaraaki, e taraai, ao e kabaibati n taku, “O, ko rabwa, ko bati n rabwa.”
E a tia te Uea ni kakabwaia tibwangau are I karaoia n Arana. Te bong anne are I tataro bwa e na kaoti te kakai ao I aikoa tataro bwa e na akea kabwakau n au beku. I tataro bwa a na namakina ana tangira te Uea aomata rinanon au beku ma te tangira. I reiakinna bwa aio kiingin te beku ao kakabwaiakiia aomata n Arana. …
I kakoaua bwa ti kona ni karaoa tibwangara n te nakoanibonga i nanon ara tai ni maiu ao tao imwin te maiu aei. E a nakon ara nanomwaaka n ukora nanon te Uea ao ara kekeiaki n ongo Bwanaana n te aro are ti na kona iai n ataa Nanona ibukin te aomata are ti buokia Ibukina. Ti karaoi tibwangara n mwaneka aika uarereke. E na roko ni karaurau, ma e na bon roko.