“I aki Anganingkami n Ai Aron te Aba,” Ibukin Kakorakoraia Kairake, Meei 2021.
Te Tetere ni Bwakantain te Kaonobong
I aki Anganingkami n Ai Aron te Aba
Anaaki
Te mwakuri ni kakeru ao te itabarara kanikinaean katein te reitaki ni boong aika kaitira. …
Tariu ao mwaaneu, ti noora te itabarara, te un ao te aki rau ae bati n ara tabo are a katobibira. …
… N te Itita aei ti a kataia ni karekea te rau i nanora, ni kamwakura ana akoi ao te bwaam ae te kabira ni kamaiu n Ana Mwakuri ni Kamaiu Iesu Kristo nakoira ao ara utu ao nakoia ake ti kona ni buokiia aika kaain rarikira.
Ma, ibukin kangaanga aika matoa ti kainnanoa te bwai ae aranaki ni koroboki aika a tabu bwa “mwaakan karawa,”ao aron karekean te mwaaka aei bon kaboraoan maiura ma te bwai ae aranaki bwa “waakin te raoiroi” [Reirei ao Berita aika Tabu 121:36]. …
… Reirein te raoiroi bon anua aika tamaroa n aron te taotaonannano, te taotaonakinnano n te tai ae maan, nimamannei, ao te tangira ae aki bwaka. Ngkana akea tuua akanne, e koaua bwa ti na bon kaitarai itabaraara ao te kairiribai. …
… Ningabong bon te Itita, te tai are reirei aika raoiroi n ana euangkerio Iesu Kristo ao Ana Mwakuri ni Kamaiu e na “tokanikai iaon”—n tokanikai iaon te bobuaka ao te itabaraara, tokanikai iaon akean te kantaninga ao riaoan tuua, ao n tokanikai iaon te mate. …
E ngae ngke e kamwaneaki ao e maraki, aki karauaki ao a karaoaki mwakuri n aki ako nakoina, ao n uoti iaona buren ao kairuan te aonaba, Natin te Atua ae Maiu e taraa aron maiura, n noorira n te wiikente aei, ao e kangai: “I katuka te rau i roumi, I anganingkami au rau: I aki anganingkami n ai aron te aba, ngkana e anga. A na tai rawawata nanomi, ao a na tai maku” [Ioane 14:27]. Kam na kakabwaiaki, kukurei, ao n rau n te Itita aei.