“Ruun te Auti n Iruwa,” Ibukin Kakorakoraia Kairake, Meei 2021.
Te Tetere ni Moaningabongin te Kaonobong
Ruun te Auti ni Iruwa
Anaaki
N te Itita aei, Iesu Kristo e kaoira bwa tina riki n ai Arona, te Itamaria ae raoiroi, ni karaoa Ana Auti n Iruwa (Ana Ekaretia) te tabo ni kamanomano ibukin ni kabane kangaanga ake ti kaitarai n te maiu. …
Ngkai ti airi ma te Itamaria ae Raoiroi nakon te Auti n Iruwa, ti reiakin bwaai aika nimaua iaon Iesu Kriso ao ngaira.
Te moan, ti roko nakon te Auti n Iruwa n arora, ma te kabwaka ao n aki kororaoi. E ngae n anne ti bane n iai iroura te bwai ae ti riai n tibwauaia. Manangara nakon te Atua n tabetai ti karekei kawaira n oki rinanon ara reitaki ma aomata ake tabeman. …
Te kauoua, E bubutiira bwa tina karaoa Ana Auti n Iruwa bwa te tabo n akoi ao te tabo ibukiia aomata nako. Ngkai ti riki bwa ana reirei Iesu Kristo, ni kabane titebo aroia, n akea ae karinanoaki. …
Te kateniua, n Ana Auti n Iruwa, ti reiakina te kakororaoaki inanon Iesu Kristo, tiaki te kakororaoaki n te aonaaba. … E kaoira n tatabemaniira bwa ti na riki bwa te Itamaria ae raoiroi, n aki rang momotikitaeka ao n ikabwarabure ibon iroura ao imarenara. …
Te kaaua, . …E kairiira nakon ana Auti n Iruwa ao nakon naba Ana auti—te tembora ae tabu … are… e kona te Itamaria ae Raoiroi ni kaitiakiira ao ni kunnikainiira, ni katauraoira n oki nako matan te Atua, ao ni katiteuanaira n aki toki n ana utu te Atua. …
Te kabanea, te kanimaua, ti kimwareirei bwa te Atua e tangiriia Natina n arora ma kateira aika kakaokoro, n aba nako, reeti, neewe, ni nneia ni kabane n Ana Auti n Iruwa. …
Ara Itamaria ae Raoiroi e berita bwa e na oki. Kakai a riki ngkai ti tararua imarenara n aron are E na karaoia.