“Kam Kona n Ikotiia Iteraera,” Ibukin Kakorakoraia Kairake, Meei 2021.
Te Tetere n te Nakoanibonga
Kam Kona n Ikotiia Iteraera!
Anaaki
Ni kaan teniua te ririki n nako, Beretitenti Russel M. Nelson e kaoia ni kabane kairake n Ana Ekaretia Iesu Kristo ibukiia Aika Itiaki ni Boong aika Kaitira bwa a na karin n “ana taanga ni kairake te Uea ni buoka ikotaia Iteraera“ ni iteran te roki aika uoua. E taku, “Te ikoikoti anne bon te kabanea ni kakawaki ni bwai ae e riki iaon te aba n te bong aei” [“Hope of Israel” (worldwide youth devotional, June 3, 2018), 8, HopeofIsrael.ChurchofJesusChrist.org]. I bon kakoaua raoi bwa ngkami kairake kam kona ni karaoa aei—ni karaoia n ae tamaroa—ibukin (1) taekan kinakim ao (2) te mwaaka ae bubura i nanomi. …
… Ni kaineti ma te boki ae te Kaotioti, “iai te buaka i karawa“! [Te Kaotioti 12:7–8]. Tatan e rabakau ni mwamwanaa kateni mwakoron Natin te Atua aika tamnei ni kariaia bwa ngaia boton ara iango inanon maiura ma tiaki te Atua. Ma tiaki ngkami! Te Abotoro Ioane e nooria bwa kam tokanikai iaon Tatan “man ami taeka are [kam] kaotiotia.”… [Te Kaotioti 12:11].
… Atakin tokanikaim iaon Tatan man taekan am kakoaua ngkoa e na buoki ngkami n “tangira, n tibwauaia, ao ni kaoia” ngkai ao n taainako—ni kaoia aomata bwa a na roko ao n noria, nakomai ibuobuoki, ao roko ao kaaina, bwa te buaka anne ibukiia tamneia Natin te Atua e teimatoa ni waakinako. …
Aia burokuraem Ataei ao Kairake bon te bwai ni mwakuri ae taetae ni burabetiaki ni buoki ngkami kairake ni kakorakora ami onimaki. … Ngkai ngkami kairake kam kairiiri—kairiiri—ni maiuakinan te euangkerio, n tabeakiniia tabeman, kaoia bwa a na karekea te euangkerio, katiteuanaia taian utu n te maiu are akea tokina, ao karaoi bootaki ni kakukurei, te onimaki ae korakora inanon Kristo n te maiu imwaain te maiu aei e na oti ao ni kamwaakai ngkami ni karaoa Ana mwakuri n te maiu aei!