“Tera Ae E a Tia Ni Karaoia te Tia Kamaiu Ibukira?,” Ibukin Kakorakoraia Kairake, Meei 2021.
Te Tetere n te Nakoanibonga
Tera Ae E a Tia Ni Karaoia te Tia Kamaiu Ibukira?
Anaaki
Tera ae e a tia ni karaoia Iesu Kristo ibukira? E a tia ni karaoi bwaai ni kabane ae kakawaki ibukin mwanangara rinanon te maiu aei nakon te tabo are e taekinaki n ana babaire Tamara are i Karawa. N na taetae iaon reirein te babaire anne aika aua. …
E anganiira te Mangauti te taratara ao te korakora ni kaitarai kakaewenako n te maiu aei ngaira ma naake ti tangiriia. E anganiira te kawai ae boou n tarai kangaanga n te rabwata, te iango, ke te namakin ngke ti bungiaki ke ni kakaea n te maiu aei. E anganiira te korakora ni kaitarai nanokawaki, kabwakara, ao unra.
E anganiira naba te Mangauti te nano ae korakora ni kawakin ana tua te Atua ni maiura aei. …
Ara Tia Kamaiu ao Te Tia Kabooimaiura e rinanon te karawawataaki ae akea kabotauana ibukin aia bure aomata aika a na rairinanoia. Te angakarea ni kamaiu aei e anga ae tamaroa, e na moa n raoiroi ami tibutetei ibukin korakoran mwaitin te buakaka, bureia kaain te aonaaba. …
… Iesu e reireiniira te babaire ni kamaiu. Te babaire aei e raonaki ma te karikibwai, bukin te maiu, riain te kakaitara, ao te bwaintangira n te rinerine. E reireiniira naba taian tua ao berita aika tabu aika ti riai ni karinei ao otenanti aika ti riai n atai bwa e na uotiira rikaaki nakoia Ara karo ake i Karawa. …
Ara Tia Kamaiu e namakinna ao e atai katakiira, ara kangaanga, marakin nanora, ao rawawatara, bukina bwa E anga nanona n rinanoi ngkai bon mwakoron Ana Mwakuri ni Kamaiu. … Naake a rootaki n aekan nako kangaanga n te maiu aei a riai n uringnga bwa e a tia ara Tia Kamaiu n rinanon te aeka ni maraki anne naba, ao rinanon Ana Mwakuri ni Kamaiu, E anganiira te korakora bwa ti na kariaia.