“Akea Ana Tokanikai te Ruanimate,” Ibukin Kakorakoraia Kairake, Meei 2021.
Te Tetere ni Moaningabongin te Tabati
Akea Ana Tokanikai te Ruanimate
Anaaki
Tabeua bwaai aika a riki inanon maiura, ti na namakina te uruaki n nano imwiin buan temanna ae ti rangi n tangiria. Rinanon te buti n aoraki ae kabuta te aonaaba ai tibwa ngkai naba, angiina ibuakora a bua raoia aika tangiraki—tao man aia utu ke raoraoia. Ti tataro ibukiia naake a nanokawaki ni buaia raoia n te aro aei. …
Ti kona n iangoia bwa a kanga raoraon Iesu, ake a ririmwina ao ni Buokia,a namakina iaoia kakoauan Matena. Ti ataia bwa a “tang man katu ranninmataia” [Mareko 16:10]. …
… Ngke ruaiwa au ririki ni maiu, e bua mwaneu te ikawai n tain te mwaeiei ae rangi n urubwai. Ibukina ngkai e riki n ae aki kantaningaaki, e anganai teutana te tai n iangoa te bwai ae e riki. E uruaki nanou man te nano rawawata, ao I bon titirakinai, “Tera ae riki nakon mwaneu? E ngaara? E nakea? N na kona ni manga nooria?” …
Tao 40 te ririki imwiina, n tain te Itita, I tabe n iangoa Mangautin Iesu Kristo ao ni moanna n iangoa mwaneu. …
N te bong anne I ataia bwa te Tamnei ae Raoiroi e anganai te raunnano n te tai ae karawawata. I a tia ni karekea te koaua ae tamnein mwane e aki mate; e bon maiu. E teimatoa n rikirake inanon maiuna n tamnei. I ataia ngkai bwa “[mwaneu] e na boni manga uti” [Ioane 11:23]n te tai ane e mimitong anne, ibukin Mangautin Iesu Kristo, ti na manga bane ni kautaki.