“Mwanangan Natin te Atua,” Ibukin Kakorakoraia Kairake, Meei 2021.
Te Tetere ni Bwakantain te Kaonobong
Mwanangan Natin te Atua
Anaaki
Aomata nako are a roko nakon te aonaaba bon natin te Atua aika a onoti mwaane ao aine. Mwanangara n te maiu aei e aki moanaki ngke ti bungiaki. Imwain bungiakira, ti uaia ni mena n te aonaaba ni katauraoi ike ti “karekei [ara] moan reirei n te aonaaba n tamnei” [Reirei ao Berita aika Tabu 138:56]. …
Ngkai natin te Atua n te berita ngaira, ti tangiriia, ti karineia, ti ribanaia, ti kamanoia ao ti butimwaaia tamnei aika a roko man te aonaaba imwain te aonaba aei. …
… Beretitenti Gordon B. Hinckley … e taku: “… Kabwakaan te teei man te biroto bon te buakaka … are e a taona aon te aba.”
… Ti na tibwai ara namakin aika korakora ibukin kaitiakan te maiu ma te koraki ake a karaoi babaire inanon bootaki. A kona n aki rang butimwaea are ti onimakinna, ma ti tataro bwa a na oota riki bwa tera bukina, i roura, babaire aikai a karaoa ae korakora tiaki nakon are e tangiria te aomata ibukin oin maiun teuanne ke neienne. …
I kakoaua bwa mwanangami ae onoti bwa Natin te Atua e aki moanaki ngke e moan rin te eea i nanon mamaam, ao e na aki toki n te tai are ko anaa iai kabanean ikeikem n te maiu aio.
Ti na ururinga n taainako bwa natin te Atua aika tamnei n tatabemaniia nako teuanne ke neienne a roko nako aonteaba ni bon oin aia mwananga. Ti bia butimwaiia, kamanoia, ao n tangiriia n taainako. Ngkana ko mwaneia ataei aika kakawaki aikai n aran te Tia Kamaiu ao ni buokiia n aia mwananga ae akea tokina, I berita nakoimi bwa E na kakabwaiai ngkami te Uea.