“Bwaai Aika Ti Reiakin ao Ti Na Aki Kona ni Mwaninga,” Ibukin Kakorakoraia Kairake, Meei 2021.
Te Tetere n te Nakoanibonga
Bwaai Aika Ti Reiakin ao Ti Na Aki Kona ni Mwaninga
Anaaki
Te kabanea n tai are ti karaoa iai te tetere n te nakoanibonga n te maungatabu bon n Eberi 2019. A mwaiti bwaai aika riki inanon uoua te ririki n nako! …
… I bia bairei aua reirei are n au kantaninga ti a tia ni bane n reiakin ao n aki mwanuokin.
Reirei 1: Te Mweenga Bon Boton te Onimaki ao te Nebonebo …
… Kaokoroakin bwaai aika ngkai iaon te ikoikotaki e na waekoa n toki. E ngae n anne, katabeam ni karaoa mweengam bwa te bwai ae kakawaki ae na kamanoa te onimaki e riai n aki toki. …
Reirei 2: Ti Kainnanoira n Tatabemaniira
… Ti kona ni kakoroa nanon ae bati riki ni bootaki nakon ae ti ngaira. Ana babaire ni kakukurei te Atua e na aki korobukina ngkana a tiku Natina n tiotionako imarenaia. …
Ngkana iai ae ko ataia bwa e tiku ni maroa, nakoina ni buokia—e ngae ngkana ko namakinna ae ko tiku ni maroa naba! …
Reirei 3: Am Kooram n te Nakoanibonga e Nanonaki n Ae Raka Riki Nakon ae Ti te Bootaki
… Bobotaki bon ti iteran te mwakoro ae katauaki n te kooram n are e kona ni karaoia.
… A mena kaain te kooram n te tabo ae onoti ni kabirimwaka ikotakin Iteraera irouia aika maiu ao ake a tia ni mate.
Reirei 4: Ti Ongo Iroun Iesu Kristo n Ae Nakoraoi Riki Ngkana Ti Teimatoa
… Te bwai ae karina n riki n te aonaaba e na reitinako ni kekerake. Ni kabotaua, bwanaan te Uea bon … “te bwanaa ae rau ae kororaoi bebetena, ae [kanga aron] te wirikiriki, ao e bon [ninia nako] te tamnei” [Ereman 5:30]. N te aro bwa ko na ongo te bwana ae maraara aei, ngkoe naba ko riai n teimatoa! …
Tariu aika kam tangiraki, a rangi ni mwaiti bwai aika e tangiria te Uea bwa ti na reiakin man oin ara taneiai n tain butinakon te aoraki aei. I a tia ni koroi ti aua. I kaoi ngkami bwa kam na korei oin am taneiai, iangoia raoi ma te karaurau, ao n tibwauaia ma naake ko tangiriia.