“O Le Malumalu ma Lou Faavae Faaleagaga,” Mo le Malosi o le Autalavou, Nov. 2022.
Sauniga o le Taeao o le Aso Sa
O Le Malumalu ma Lou Faavae Faaleagaga
Vaega
E Leai se Mea Ou te Mativa Ai, saunia e Yongsung Kim
O le tulaga o le fausiaina o le Malumalu o Sate Leki
E pei ona tou silafia, o loo tatou faatinoina ni galuega tetele o le faafouga i le Malumalu faasolopito o Sate Leki. …
Ua tatou faia taumafaiga uma e mafai ai ona avatu i lenei malumalu mamalu, lea ua faateleina le lamatiaina, se faavae o le a tetee atu i malosiaga o le natura e oo atu i le Meleniuma. I se tulaga faapena, o le taimi lenei tatou te faatinoina ai taitoatasi ni fuataga tulagaese—masalo o ni fuataga tatou te le’i faia muamua lava—e faamalolosia ai o tatou faavae faaleagaga patino . O luitau sili ona faigata ua tatou i ai nei e manaomia ai ni auala fou tatou te foiaina ai.
O’u uso e ma tuafafine pele, o aso nei e gata ai. Afai e ao ia te oe ma a’u ona tetee atu i mea lamatia ma faatosinaga o loo agai mai, e taua tele le tofu maua e i tatou o se faavae faaleagaga mausali ua atia’e i luga o le papa o lo tatou Togiola, o Iesu Keriso.
O lea ou te fesili atu ai ia te outou taitoatasi, o le a le mausali o lou faavae? Ma o a ni mea o loo manaomia e faamalosia ai lau molimau ma le malamalamaaga o le talalelei?
O le malumalu o le totonugalemu lea o le faamalosia o lo tatou faatuatua ma le malosiaga faaleagaga ona o le Faaola ma Lana aoaoga faavae o le taulaiga autu lea o le malumalu. …
Afai e te lē fiafia lava e auai i le malumalu, ia alu soo i ai—ae lē faaitiitia. Ia faataga le Alii, e ala i Lona Agaga, e a’oa’o ma musuia oe iina. …
Faamolemole talitonu mai ia te a’u pe a ou fai atu, a atiae lou faavae faaleagaga ma le mausali i luga o Iesu Keriso, e lē manaomia la ona e fefe. Pe a e faamaoni i au feagaiga na osia i totonu o le malumalu, o le a faamalosia oe e Lona mana. O lea, pe a oo ina tutupu mafui’e faaleagaga, o le a mafai ona e tu malosi ona ua mautu ma lē maluelue lou faavae faaleagaga.