“O Le Faatuatua e Ole Atu ai ona Galue ai Lea,” Mo le Malosi o le Autalavou, Nov. 2022.
Sauniga o le Afiafi o le Aso Toonai
O Le Faatuatua e Ōle Atu Ai Ona Galue Ai Lea
Vaega
O le ala e maua ai faaaliga mai le Atua e le’i suia lava mai ona po o Atamu ma Eva. O le mea lava lena e tasi mo auauna totofi uma a le Alii mai lava i le amataga e oo mai i le asō. E faapena foi mo oe ma a’u. E faia i taimi uma e ala i le faaaogaina o le faatuatua. …
. …E i ai au fesili o loo e sailia ni tali. Na ua lava lou faatuatua e faamoemoe ai o le a e maua tali mai le Alii e ala mai i Ana auauna. O le a e le maua le avanoa e fesili leotele mai ai mo tali mai le au failauga, ae e mafai ona e fesili i lou Tama Faalelagi i le tatalo.
Ua ou iloa mai mea na ou oo i ai e faapea, o le a oo mai ia tali e fetaui ma ou manaoga ma au tapenaga faaleagaga. …
Afai o lou faatuatua ia Iesu Keriso na i’u i se loto ua faamaluluina e ala i aafiaga o Lana Togiola, o le a atili ai ona e mafai ona lagonaina musumusuga a le Agaga e tali atu ai au tatalo. …
Afai o lo tatou faatuatua ia Iesu Keriso na taitai ai i tatou e ole atu i le Tama mo ni tali, o le a aumaia foi e lena lava faatuatua le pa’i mālū mai o le Faaola e lava tatou te faalogo ai i Lana taitaiga ma naunau ai ma le fiafia e usita’ia. …
“Ou te molimau atu o le papa o loo tatou tutu ai, o la tatou molimau lea o Iesu o le Keriso; o Lana Ekalesia lenei lea Na Te taita’ia; ma o Peresitene Russell M. Nelson o Lana perofeta soifua i ona po nei. …
Ou te tatalo ia outou maua foi lena lava molimau e tasi.