“O Le Agavaa E Le o le Atoatoa,” Mo le Malosi o le Autalavou, Nov. 2022.
Sauniga o le Afiafi o le Aso Toonai
O Le Agavaa e Le o Le Atoatoa
Vaega
O nisi e mauaina sese le sāvali faapea e le o se mea e tatau ai le salamo ma suia. O le sāvali a le Atua, e taua mea na. …
O nisi e mauaina sese le sāvali faapea o le salamo o se mea e na o le faatasi ona tupu. O le sāvali a le Atua e faapea, e pei ona sa a’oa’o mai e Peresitene Russell M. Nelson, “O le Salamo … o se faagasologa.” …
E mauaina sese e nisi le sāvali faapea latou te le o agavaa e auai atoatoa i le talalelei ona latou te le o matuai saoloto atoatoa mai mausa leaga. O le sāvali a le Atua, o le agavaa e le o le atoatoa. O le agavaa o le faamaoni lea ma taumafai. E tatau ona tatou faamaoni i le Atua, taitai perisitua, ma isi o ē alolofa ia i tatou,ma e tatau ona tatou tauivi malosi e tausi poloaiga a le Atua ma e lē faavaivai lava ona ua tatou sasi …
O nisi e mauaina sese le sāvali faapea o loo faatalitali le Atua e fesoasoani mai seia uma ona tatou salamo. O le sāvali a le Atua e faapea, o le a Ia fesoasoani ia i tatou pe a tatou salamo. …
… O Lona alofa tunoa ua le na o se taui mo le agavaa. O le “fesoasoani faalelagi” lea Na Te tuuina mai e fesoasoani ia i tatou ia agavaa. Ua le na o se taui mo ē amiotonu. O le “faaeega o le malosi” Na Te tuuina mai lea e fesoasoani ia i tatou ia amiotonu. Tatou te le na ona savavali aga’i atu i le Atua ma Keriso. O loo tatou savavali faatasi ma i La’ua. …
… Pe a e lagona ua tele naua taimi ua e toilalo ai e taumafai pea, ia manatua le Togiola a Keriso ma le alofa tunoa e mafai ai ona moni. “Ua faaloaloa atu ia te outou [Lona] aao alofa mutimutivale.” [3 Nifae 9: 14]. O loo alofagia oe—i le asō, i le 20 tausaga, ma le faavavau.