“Ma le Mana o le Atua i le Mamalu Tele,” Mo le Malosi o le Autalavou, Nov. 2022.
Sauniga o le Aoauli o le Aso Toonai
Ma le Mana o le Atua i le Mamalu Tele (1 Nifae 14:14)
Vaega
O feagaiga, e ulu atu i ai e ala i sauniga faaleperisitua ua i ai le pule, e mafai ona fusia ai i tatou i le Alii o Iesu Keriso ma o le ute taua lea o le galuega o le faaolataga ma le faaeaga i itu uma e lua o le veli.
O le galuega faafaifeautalai ma malumalu ma talafaasolopito o aiga o itu pagamalie ma talafeauga lelei o le galuega tele e tasi lea o loo taulai atu i feagaiga ma sauniga paia, ia e mafai ai ona tatou maua le mana o le faaleatua i o tatou olaga ma, taualuga ai i le toe foi atu i le afioaga o le Tama Faalelagi. …
Tatou te tauave i o tatou luga le amo a le Faaola a o tatou a’oa’o e uiga i ai, mauaina ma le agavaa, ma faamamaluina feagaiga ma sauniga paia. E noatia ma le mausali i tatou i le ma faatasi ma le Faaola pe a tatou manatua ma le faamaoni ma faia le mea sili tatou te mafaia e ola ai e tusa ma matafaioi ua tatou taliaina. Ma o lena noataga faatasi ma Ia o le puna lea o le malosi faaleagaga i vaitau uma o o tatou olaga. …
E na o lo tatou Faaola o Iesu Keriso e mafai ona maua ai folafolaga ma faamanuiaga o feagaiga. Ua Ia valaaulia i tatou e vaai atu ia te Ia, o mai ia te Ia, aoao e uiga ia te Ia, ma noatia i tatou lava ia te Ia8e ala i feagaiga ma sauniga o Lana talalelei toefuataiina. Ou te molimau atu ma folafola atu e faapea o le faamamaluina o feagaiga e faaauupegaina ai i tatou i le amiotonu ma le mana o le Atua i le mamalu tele. Ma ou te molimau atu o le Alii soifua o Iesu Keriso o lo tatou Faaola.